ദുബൈ: യുഎഇയിൽ ദുൽ ഹിജ്ജ മാസപ്പിറവി ദൃശ്യമായതായി ഔദ്യോഗിക സ്ഥിരീകരണം. ഞായറാഴ്ച വൈകുന്നേരം ചന്ദ്രപ്പിറവി ദൃശ്യമായ സാഹചര്യത്തിൽ മെയ് 18 തിങ്കളാഴ്ച ദുൽ ഹിജ്ജ മാസത്തിലെ ഒന്നാം ദിവസമായിരിക്കുമെന്ന് യുഎഇ ഔദ്യോഗികമായി പ്രഖ്യാപിച്ചു.

ഇസ് ലാമിക ചാന്ദ്ര കലണ്ടറിലെ അവസാന മാസമായ ദുൽ ഹിജ്ജയിലെ പത്താം ദിവസമാണ് ലോകമെമ്പാടുമുള്ള വിശ്വാസികൾ ബലിപെരുന്നാൾ ആഘോഷിക്കുന്നത്. ഇതനുസരിച്ച് യുഎഇയിൽ ഈ വർഷത്തെ ബലിപെരുന്നാൾ മെയ് 27 ബുധനാഴ്ച ആയിരിക്കും. അറഫാ ദിനം മെയ് 26 ചൊവ്വാഴ്ചയായിരിക്കും.

സഊദി അറേബ്യയ്ക്കും ഒമാനും പിന്നാലെ യുഎഇയിലും പെരുന്നാൾ തീയതി ഔദ്യോഗികമായി പ്രഖ്യാപിച്ചതോടെ രാജ്യം ഇനി പൂർണ്ണമായും ആഘോഷപ്പൊലിമയിലേക്ക് കടക്കും. വരും മണിക്കൂറുകളിൽ മന്ത്രാലയങ്ങളും ഫെഡറൽ അതോറിറ്റികളും പൊതു-സ്വകാര്യ മേഖലകളിലെ ജീവനക്കാർക്കുള്ള ഔദ്യോഗിക ഈദ് അവധി ദിനങ്ങൾ പ്രഖ്യാപിക്കുമെന്നാണ് പ്രതീക്ഷിക്കുന്നത്.

the dul hijjah crescent moon has been sighted, confirming eid al adha celebrations in the uae and other gulf countries on may 27. muslim communities across the region are preparing for the upcoming festive holidays.