HOME
DETAILS

ലോക ഫെന്‍സിങ് ചാംപ്യന്‍ഷിപ്പില്‍ വെങ്കല മെഡല്‍ നേടി അഖില അനില്‍

  
backup
September 30, 2016 | 1:32 AM

%e0%b4%b2%e0%b5%8b%e0%b4%95-%e0%b4%ab%e0%b5%86%e0%b4%a8%e0%b5%8d%e2%80%8d%e0%b4%b8%e0%b4%bf%e0%b4%99%e0%b5%8d-%e0%b4%9a%e0%b4%be%e0%b4%82%e0%b4%aa%e0%b5%8d%e0%b4%af%e0%b4%a8%e0%b5%8d%e2%80%8d%e0%b4%b7

പത്തനംതിട്ട: തായ്‌ലന്‍ഡില്‍ നടന്ന ലോക ഫെന്‍സിങ് ചാംപ്യന്‍ഷിപ്പില്‍ ഇന്ത്യയ്ക്ക് വെങ്കല മെഡല്‍ നേടി 20കാരിയായ അഖില അനില്‍. ബാങ്കോക്കില്‍ ഈ മാസം 16 മുതല്‍ 21 വരെ നടന്ന ലോക ചാംപ്യന്‍ഷിപ്പിലാണ് അഖില വെങ്കല മെഡല്‍ നേടിയത്. ഓപണ്‍ വിഭാഗത്തിലാണ് അഖില അടക്കമുള്ള നാലംഗ ടീമിന്റെ മെഡല്‍ നേട്ടം. 60 വയസില്‍ താഴെയുള്ള ആര്‍ക്കും പങ്കെടുക്കാന്‍ സാധിക്കുന്ന ഓപണ്‍ വിഭാഗത്തില്‍ പൂള്‍ 'എ' യില്‍ ആയിരുന്നു ഇന്ത്യ അടക്കമുള്ള എട്ടു ടീമുകള്‍. സെമി ഫൈനല്‍ വരെ പൊരുതിയെത്തിയ ഇന്ത്യ കൊറിയയോടാണ് തോറ്റത്.   പഞ്ചാബ്, ആന്ധ്രാപ്രദേശ്, തമിഴ്‌നാട് സംസ്ഥാനങ്ങളില്‍ നിന്നുള്ളവരും അണിനിരന്ന ടീമായിരുന്നു ഇന്ത്യയുടേത്.  
ഫെന്‍സിങില്‍ രാജ്യത്തിന്റെ അഭിമാനം വാനോളം ഉയര്‍ത്തുന്ന പ്രകടനം ഉണ്ടായിട്ടും തങ്ങളെ സ്‌പോണ്‍സര്‍ ചെയ്യാന്‍ ആരും തയാറാകുന്നില്ലെന്ന് അഖില പറഞ്ഞു. ഒരു സ്‌പോണ്‍സറെ കണ്ടെത്തി അമേരിക്ക പോലുള്ള രാജ്യങ്ങളില്‍ നിന്നു പരിശീലനം നേടിയാലേ ഭാവിയില്‍ ഈ ഇനത്തില്‍ സാധ്യതയുള്ളു. നിലവില്‍ പഞ്ചാബില്‍ മാത്രമാണ് സൗകര്യങ്ങള്‍ ഉള്ളത്.
പരിശീലന സൗകര്യം കണക്കാക്കി പഞ്ചാബ് ഗുരു നാനാക്ക് ദേവ് സര്‍വകലാശാലയാണ് ഉപരി പഠനത്തിനായി തിരഞ്ഞെടുത്തതെന്നു അഖില വ്യക്തമാക്കി. തലശേരി ബ്രണ്ണന്‍ കോളജില്‍ നിന്നു ബി.കോം ബിരുദം നേടിയ അഖില ഗുരു നാനാക്ക് ദേവ് സര്‍വകലാശാലയില്‍ എം.കോം ഒന്നാം വര്‍ഷ വിദ്യാര്‍ഥിനിയാണിപ്പോള്‍ .
 തുടക്കത്തില്‍ ഹോക്കി താരമായാണ് കായിക രംഗത്തെ അഖിലയുടെ അരങ്ങേറ്റം.
എട്ടാം തരത്തില്‍ പഠിക്കുമ്പോഴാണ് ഫെന്‍സിങിലേക്ക് ആകൃഷ്ടയാകുന്നതും പരിശീലനം ആരംഭിക്കുന്നതും. സംസ്ഥാന ഫെന്‍സിങ് അസോസിയേഷനിലെ മോഹന്‍ദാസ് ആയിരുന്നു ആദ്യ പരിശീലകന്‍.
പിന്നീട് സാഗര്‍ എസ്. ലാഹുവിന്റെ കീഴിലും പരിശീലനം നേടി. സംസ്ഥാന ജൂനിയര്‍ ഫെന്‍സിങ് ചാംപ്യന്‍ഷിപ്പില്‍ തുടര്‍ച്ചയായി മൂന്നു വര്‍ഷം ഒന്നാം സ്ഥാനം നേടിയിട്ടുണ്ട്. ദേശീയ തലത്തില്‍ വെള്ളിയും വെങ്കലവും കരസ്ഥമാക്കി.
സ്‌പോര്‍ട്‌സ് കൗണ്‍സില്‍ പത്തനംതിട്ട ജില്ലാ പ്രസിഡന്റും മുന്‍ നഗരസഭാ കൗണ്‍സിലറുമായ കെ അനില്‍കുമാറിന്റെ മകളാണ്. സഹോദരന്‍ അഖില്‍ അനിലും ഫെന്‍സിങ് താരമാണ്. വെങ്കല മെഡല്‍ നേടി രാജ്യത്തിന്റെ അഭിമാനമായി മാറിയ അഖിലയ്ക്ക്  നാളെ വൈകിട്ട് അഞ്ചിന് പത്തനംതിട്ടയില്‍ സ്വീകരണം നല്‍കും.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."




No Image

ആലപ്പുഴ പുന്നമടയില്‍ ഹൗസ് ബോട്ടിന് തീപിടിച്ചു

Kerala
  •  7 days ago
No Image

കരൂര്‍ ദുരന്തത്തിന് ശേഷം വിജയിന്റെ ആദ്യ പൊതുപരിപാടി; പ്രവേശനം പാസ് ഉള്ളവര്‍ക്ക് മാത്രം

National
  •  7 days ago
No Image

മഴ കനക്കുന്നു; ഇന്ന് രണ്ട് ജില്ലകളില്‍ ഓറഞ്ച് അലര്‍ട്ട്, 4 മണിക്ക് സൈറന്‍ മുഴങ്ങും

Kerala
  •  7 days ago
No Image

കുവൈത്തിൽ പ്രത്യേക സാഹചര്യങ്ങളിൽ സന്ദർശകർക്കു സ്ഥിരതാമസ അനുമതി

Kuwait
  •  7 days ago
No Image

തിരുവനന്തപുരത്ത് വീട്ടില്‍ പൊട്ടിത്തെറി; ഒരാള്‍ക്ക് ഗുരുതര പൊള്ളല്‍

Kerala
  •  7 days ago
No Image

'ബുള്‍ഡോസര്‍ രാജിനെതിരെ നടത്തിയ വിധിയാണ് തന്റെ ജീവിതത്തിലെ ഏറ്റവും പ്രധാനപ്പെട്ട വിധി പ്രസ്താവം'  ചീഫ് ജസ്റ്റിസ് ബി.ആര്‍ ഗവായ്

National
  •  7 days ago
No Image

പാലത്തായി പോക്‌സോ കേസ്: ശിക്ഷിക്കപ്പെട്ട  അധ്യാപകന്‍ കെ പത്മരാജനെ ജോലിയില്‍ നിന്ന് പിരിച്ചുവിട്ടു 

Kerala
  •  7 days ago
No Image

ആ താരം ബാറ്റ് ചെയ്യാനെത്തുമ്പോൾ സ്റ്റേഡിയം കുലുങ്ങും: ജോ റൂട്ട്

Cricket
  •  7 days ago
No Image

ഉത്തര്‍പ്രദേശില്‍ വിവാഹാഘോഷത്തിനിടെ മൂന്നുവയസ്സുകാരിയെ ക്രൂരമായി ബലാത്സംഗം ചെയ്തു; പ്രതി അറസ്റ്റില്‍, കുട്ടിയുടെ നില ഗുരുതരം

National
  •  7 days ago
No Image

സ്ഥാനാര്‍ഥിത്വം പിന്‍വലിച്ചില്ലെങ്കില്‍ തട്ടിക്കളയും; പാലക്കാട് സ്വതന്ത്ര സ്ഥാനാര്‍ഥിക്ക് സി.പി.എം നേതാവിന്റെ വധഭീഷണി

Kerala
  •  7 days ago