മുള്ളൂര്‍ക്കര: ചേലക്കര മണ്ഡലത്തില്‍ സമസ്ത കേരള സുന്നി യുവജന സംഘത്തിന്റെ പ്രവര്‍ത്തനങ്ങള്‍ സജീവമാക്കുന്നതിന്റെ ഭാഗമായി പഞ്ചായത്ത് തല സംഗമങ്ങള്‍ സംഘടിപ്പിക്കാന്‍ മണ്ഡലം കണ്‍വെന്‍ഷന്‍ തീരുമാനമെടുത്തു. ഇബ്രാഹിം അന്‍വരി പഴയന്നൂര്‍ ഉദ്ഘാടനം ചെയ്തു. മണ്ഡലം പ്രസിഡന്റ് ബാദുഷ അന്‍വരി അധ്യക്ഷനായി. എം.എ ഇബ്രാഹിം പഴയന്നൂര്‍, ഉണ്ണീന്‍കുട്ടി മുസ്‌ലിയാര്‍, പരീത് വരവൂര്‍, സലീം അന്‍വരി, മുഹമ്മദ് ദേശമംഗലം എന്നിവര്‍ പ്രസംഗിച്ചു. കെ.എം ഉസ്മാന്‍ മുസ്‌ലിയാര്‍ സ്വാഗതവും, ടി.എം മുഹമ്മദ് ഖാസിം നന്ദിയും പറഞ്ഞു.