കുന്നംകുളം: പെരുമ്പിലാവ് ആല്‍ത്തറ മഹല്ല് കമ്മിറ്റിയുടെ നേതൃത്വത്തില്‍ നടത്തിവരുന്ന സ്വലാത്ത് മജ്‌ലിസിന്റെ വാര്‍ഷികവും, ത്രിദിന മതപ്രഭാഷണവും, ദുആമജ്‌ലിസും നാളെ മുതല്‍ മൂന്ന് ദിവസങ്ങളിലായി നടക്കും. ആല്‍ത്തറ എല്‍.എം യു.പി സ്‌കൂള്‍ ഗ്രൗണ്ടില്‍ മര്‍ഹൂം ഉസ്താദ് അബ്ബാസ് മുസ്ല്യാര്‍ നഗറില്‍ നാളെ വൈകീട്ട് ഏഴ് മണിക്ക് ടി.ടി അബ്ദുള്ള കുട്ടിമുസ്‌ലിയാര്‍ ഉദ്ഘാടനം ചെയും. എസ്.എസ് ഷമീര്‍ ദാരിമി കൊല്ലം മുഖ്യപ്രഭാഷണം നടത്തും. ശനിയാഴ്ച നടക്കുന്ന മതപ്രഭാഷണ സദസ് എം.എം മുഹ്‌യിദ്ദീന്‍ മൗലവി ഉദ്ഘാടനം ചെയ്യും. അന്‍വര്‍മുഹ്‌യിദ്ദീന്‍ ഹുദുവി ആലുവ മുഖ്യപ്രഭാഷണം നടത്തും. ഞായറാഴ്ച വൈകീട്ട് 7ന് നടക്കുന്ന ദുആ സമ്മേളനം സയ്യിദ് നാസര്‍ അബ്ദുല്‍ഹയ്യ് ശിഹാബ് തങ്ങള്‍ പാണക്കാട് ഉദ്ഘാടനം ചെയ്യും. ഓണമ്പിള്ളി മുഹമ്മദ് ഫൈസി മുഖ്യപ്രഭാഷണം നടത്തും.