ദമാം: സമസ്തയുടെ സംഘാടനത്തിലും നേതൃത്ത്വത്തിലും വലിയ വിടവുണ്ടാക്കി വിടപറഞ്ഞുപോയ പ്രമുഖ പണ്ഡിതന്‍ കോട്ടുമല ബാപ്പു മുസ്‌ലിയാരുടെ നിര്യാണത്തില്‍ ദമാമിലെ പൗരാവലി അനുശോചനം രേഖപ്പെടുത്തി.

എസ് കെ ഐ സി, എസ് വൈ എസ്, റഹ്മാനീസ് അസോസിയേഷന്‍ സംയുക്തമായി സഫ ഓഡിറ്റോറിയത്തില്‍സംഘടിപ്പിച്ച അനുശോചന സംഗമത്തില്‍ സി എച് മൗലവി , ബഹാഉദ്ദീന്‍ നദ്‌വി , സഫ കുട്ടിക്ക, സഅദ് (നെസ്റ്റോ), മാമുനിസാര്‍, സകരിയ്യ ഫൈസി , അഷ്‌റഫ് അശ്‌റഫി എന്നിവര്‍ സംസാരിച്ചു.

അഗാധ പാണ്ഡിത്യം, മികച്ച സംഘാടക ശേഷി, ആകര്‍ഷണീയമായ പെരുമാറ്റം തുടങ്ങി വിവിധ വിശേഷണങ്ങള്‍ക്കുടമയായിരുന്നു കോട്ടുമല ബാപ്പു മുസ്‌ല്യാരെന്നും സാന്നിധ്യം അനിവാര്യമായ ഘട്ടത്തിലാണ് ഉസ്താദിന്റെ വിയോഗമെന്നും കേരള മുസ്‌ലിംകള്‍ക്കും വിശിഷ്യ സുന്നി സമൂഹത്തിന് വലിയ നഷ്ടമാണിതെന്നും പ്രഭാഷകര്‍ അനുസ്മരിച്ചു.
ദമാം ഇസ്‌ലാമിക് സെന്റിലും ഉസ്താദിന്റെ പേരിലുള്ള പ്രത്യേക ദിക്‌റ് -ദുആ മജ്‌ലിസും അനുസ്മരണവും സംഘടിപ്പിച്ചു. ജനാസ നിസ്‌കാരത്തിനും പ്രാര്‍ഥനക്കും മുസ്തഫ ദാരിമി നേതൃത്വം നല്‍കി. മുസ്തഫ റഹ്മാനി,കബീര്‍ ഫൈസി സംസാരിച്ചു.