കരുനാഗപ്പള്ളി: വിവാഹ വാഗ്ദാനം നല്‍കി യുവതിയെ പീഡിപ്പിച്ച സൈനികന്‍ പിടിയില്‍.
വാളത്തുംങ്കല്‍ കോടിയാട്ട് തെക്കതില്‍ നിന്നും ശാസ്താംകോട്ടയില്‍ മോഹനന്റെ നന്ദനം വീട്ടില്‍ വാടകയ്ക്ക് താമസിച്ച് വരുന്ന ജയദേവ് (29) ആണ് അറസ്റ്റിലായത്. പാവുമ്പ സ്വദേശിയായ യുവതിയുടെ  സഹപാഠികൂടിയായ ഇയാള്‍ വിവാഹം കഴിക്കാമെന്നു വാഗ്ദാനം നല്‍കി പീഡിപ്പിക്കുകയായിരുന്നു. എന്നാല്‍  ഇയാള്‍ തിരുവനന്തപുരം വട്ടിയൂര്‍ക്കാവ് സ്വദേശിനിയുമായി വിവാഹ നിശ്ചയം കഴിഞ്ഞെന്നറിഞ്ഞ് പീഡനത്തിനിരയായ പാവുമ്പ സ്വദേശിനി പൊലിസില്‍ പരാതി നല്‍കുകയായിരുന്നു.  
കരുനാഗപ്പള്ളി സി.ഐ രാജപ്പന്‍ റാവുത്തര്‍, എ.എസ്.ഐ രാജശേഖരന്‍ രാധാകൃഷ്ണന്‍, മദനന്‍ തുടങ്ങിയവരുടെ നേതൃത്വത്തിലുള്ള  സംഘമാണ് പ്രതിയെ പിടികൂടിയത്.