ബീജിങ്: കിഴക്കന്‍ ചൈനയിലെ ഷെജിയാങ് പ്രവിശ്യയില്‍ മസാജ് പാര്‍ലറിലുണ്ടായ തീപിടുത്തത്തില്‍ 18 പേര്‍ മരിച്ചു. 18 പേര്‍ക്ക് ഗുരുതരമായി പരിക്കേറ്റു. ടിയാതായ് കൌണ്ടിയിലെ ഫൂട്ട് മസാജ് പാര്‍ലറിലാണ് തീപിടിത്തമുണ്ടായത്. സംഭവവുമായി ബന്ധപ്പെട്ട് പാര്‍ലറിന്റെ മാനേജരെ അറസ്റ്റ് ചെയ്തതായി ഔദ്യോഗിക വൃത്തങ്ങള്‍ അറിയിച്ചു. 

തീപടര്‍ന്നതോടെ പരിഭ്രാന്തരായ ആളുകള്‍ കെട്ടിടത്തിന്റെ ജനലിലൂടെ പുറത്തുചാടി രക്ഷപെടാന്‍ ശ്രമിക്കുന്നുണ്ടായിരുന്നുവെന്ന് ദൃക്‌സാക്ഷികള്‍ പറഞ്ഞു.
എട്ടു പേര്‍ സംഭവസ്ഥലത്തു വെച്ചും പത്തു പേര്‍ ആശുപത്രിയില്‍വെച്ചുമാണ് മരിച്ചത്. മണിക്കൂറുകളോളം നീണ്ട കഠിന ശ്രമത്തിനൊടുവിലാണ് തീ അണക്കാനായത്.
തീപിടുത്തത്തിന്റെ കാരണം അറിവായിട്ടില്ല.