ജിദ്ദ: ജിദ്ദയില്‍ ഫ്‌ളാറ്റിന് തീപിടിച്ചു നാല് കുട്ടികള്‍ വെന്തുമരിച്ചു. അല്‍ റവാബി ജില്ലയി ലാണ് അപകടം. കടുത്ത പുകശ്വസിച്ചു അവശ നിലയിലായ മാതാവിനെ ആശുപത്രിയില്‍ പ്രവേശിപ്പിച്ചു.
വ്യാഴാഴ്ച്ചയാണ് അപകടം നടന്നത്. പിതാവ് ജോലിക്കു പോയ സമയത്തായിരുന്നു സംഭവം. ഫ്‌ളാറ്റില്‍ നിന്ന് പുക ഉയരുന്നത് കണ്ടണ്ട അയല്‍വാസികള്‍ പൊലിസിനെ അറിയിക്കുകയായിരുന്നു.
കുതിച്ചെത്തിയ സിവില്‍ ഡിഫന്‍സ് തീയണച്ചെങ്കിലും കുട്ടികള്‍ ഇതിനകം തന്നെ മരണത്തിനു കീഴടങ്ങിയിരുന്നു.