കോട്ടയം: ഗിരിജ കരള്‍ നല്‍കും, അജിക്ക് ശസ്ത്രക്രിയയ്ക്കായി പണം തേടി പുതുപ്പള്ളി പഞ്ചായത്ത്. പുതുപ്പള്ളി പഞ്ചായത്തിലെ 9-ാം വാര്‍ഡായ പൊങ്ങന്‍പാറ ഇലവുങ്കല്‍ വീട്ടില്‍ അജികുമാറിന് (42) ചികിത്സയ്ക്കായാണ് പഞ്ചായത്ത് മുഴുവന്‍ ഒന്നിക്കുന്നത്. ഓട്ടോ ഡ്രൈവറായ അജി കരള്‍, വൃക്ക രോഗവുമായി കൊച്ചി അമൃത ആശുപത്രിയില്‍ ചികിത്സയിലാണ്. ഭാര്യയും രണ്ട് മക്കളും അച്ഛനും അമ്മയും അടങ്ങുന്ന കുടുംബത്തിന്റെ വരുമാനമാര്‍ഗം ഇതോടെ അടഞ്ഞു.
ഭാര്യ ഗിരിജയുടെ കരള്‍ അജിക്ക് യോജിക്കുമെങ്കിലും ഇതിന്റെ ശസ്ത്രക്രിയയ്ക്ക് വേണ്ട 25 ലക്ഷം രൂപ കണ്ടെത്താനാകാതെ ഇവര്‍ വിഷമിക്കുകയാണ്. ഈ അവസരത്തിലാണ് പ്രത്യാശ ചാരിറ്റബിള്‍ ട്രസ്റ്റും പുതുപ്പള്ളി പഞ്ചായത്തും സംയുക്തമായി അജിക്ക് വേണ്ട പണം സ്വരൂപിക്കാന്‍ തീരുമാനിച്ചത്. ഇതിനായി 12ന് രാവിലെ 11 മുതല്‍ വൈകുന്നേരം 4 വരെ പഞ്ചായത്തിലെ വിവിധ വാര്‍ഡുകള്‍ കേന്ദ്രീകരിച്ച് സംഭാവന പിരിക്കാനാണ് തീരുമാനം.
കൂടാതെ പുതുപ്പള്ളി ഇന്ത്യന്‍ ഓവര്‍സീസ് ബാങ്കില്‍ പുതുപ്പള്ളി ജീവന്‍രക്ഷാ സമിതി എന്ന പേരില്‍ അക്കൗണ്ടും ആരംഭിച്ചിട്ടുണ്ട്. അക്കൗണ്ട് നമ്പര്‍ 345801000001589. ഐഎഫ്എസ് സി ശീയമ0003458.