ആലുവ: അദ്വൈതാശ്രമത്തിനു സമീപമുള്ള മലിന ജല സംസ്‌ക്കരണ പ്ലാന്റ് പ്രവര്‍ത്തനം ഉടന്‍ പുനരാരംഭിക്കണമെന്നാവശ്യപ്പെട്ട് എ.ഐ.വൈ.എഫ് നഗരസഭ കവാടത്തിനു മുമ്പില്‍ നടത്തിവരുന്ന സമരം നാലാംദിവസം പിന്നിട്ടു. നൂറുകണക്കിന് യുവജനങ്ങളുടെ പ്രകടനത്തോടെയാണ് നാലാംദിവസം സത്യാഗ്രഹസമരം ആരംഭിച്ചത്. ജില്ലാ ഭരണകൂടം വിഷയത്തില്‍ അടിയന്തിരമായി ഇടപെടണമെന്നും സമരം ഉദ്ഘാടനം ചെയ്ത എ.ഐ.വൈ.എഫ് ജില്ലാ സെക്രട്ടറി എന്‍. അരുണ്‍ ആവശ്യപ്പെട്ടു.
സംസ്ഥാന കമ്മറ്റി അംഗം കെ.എസ്. ജയദീപ് ഡിവിന്‍ ദിനകരന്‍, സി.പി.ഐ. ജില്ലാ കമ്മറ്റി അംഗം ടി.എന്‍ സോമന്‍ , പി. നവകുമാരന്‍ എ.ഷംസുദ്ദിന്‍, അസ്‌ലഫ് പാറേക്കാടന്‍, കെ.ജെ. ഡൊമിനിക്ക്, പി.എം. ഫിറോസ് തുടങ്ങിയവര്‍ പ്രസംഗിച്ചു. മുനിസിപ്പല്‍ കൗണ്‍സിലര്‍മാരായ മനോജ്.ജി. കൃഷ്ണന്‍, പി.സി. ആന്റണി, സാജിത സഗീര്‍, ഓമനഹരി , പി.ആര്‍. രതീഷ്, ജെറിമാത്യൂ , ജോബിമാത്യൂ തുടങ്ങിയവര്‍ നേതൃത്വം നല്‍കി. എ.എം. യൂസഫ് നാലാംദിവസം സത്യഗ്രഹസമരം അനുഷ്ടിച്ചു.