ജമ്മു: വൈഷ്‌നോ ക്ഷേത്രത്തില്‍ ദര്‍ശനത്തിനെത്തി ലോക്ക്ഡൗണ്‍ പ്രഖ്യാപിച്ചതോടെ തിരിച്ചുപോകാനാവാതെ  450ഓളം ഭക്തന്മാര്‍.പട്‌ന, രാജസ്ഥാന്‍, മഹാരാഷ്ട്ര, ഹരിയാന എന്നിവിടങ്ങളില്‍ നിന്ന് 450 ഓളം പേരാണ് ജമ്മുവില്‍ കുടുങ്ങിക്കിടക്കുന്നത്.

മാര്‍ച്ച് 20 ന് ഭക്തര്‍ ജമ്മുവില്‍ എത്തി മാര്‍ച്ച് 22 ന് റിട്ടേണ്‍ ബുക്കിങ് നടത്തിയിരുന്നു. എന്നാല്‍ അപ്രതീക്ഷിതമായി ലോക്ക്ഡൗണ്‍ പ്രഖ്യാപിച്ചതോടെ ഇവര്‍ക്ക് നാട്ടിലേക്ക് പോകാനുള്ള മാര്‍ഗം ഇല്ലാതായി.''സര്‍ക്കാര്‍ എല്ലാ ക്രമീകരണങ്ങളും ഏര്‍പ്പെടുത്തിയിട്ടുണ്ടെങ്കിലും ഞങ്ങള്‍ വീടുകളിലേക്ക് മടങ്ങാന്‍ ആഗ്രഹിക്കുന്നു,'' ഭക്തര്‍ പറയുന്നു.

ഭക്തര്‍ സുരക്ഷിതരാണെന്ന് ജമ്മു ജില്ലാ ഭരണകൂടം അറിയിച്ചു.ട്രെയിനുകള്‍ റദ്ദാക്കിയതിനാല്‍ നാട്ടിലേക്ക് മടങ്ങാന്‍ കഴിയാത്ത നിരവധി പേരെ സുരക്ഷിതമായി അഭയം നല്‍കിയിട്ടുള്ളതായി അധികൃതര്‍ വ്യക്തമാക്കി.  450 ഓളം തീര്‍ഥാടകരെ ജമ്മു നഗരത്തില്‍ സുരക്ഷിതമായി പാര്‍പ്പിച്ചു.ശ്രീകോവിലിലോ കത്രാ പട്ടണത്തിലോ എവിടെയും കുടുങ്ങിപ്പോയവരില്ലെന്ന് ശ്രീകോവില്‍ സിഇഒ രമേശ് കുമാര്‍ പറഞ്ഞു