സുല്‍ത്താന്‍ ബത്തേരി: വെങ്ങപ്പള്ളി ശംസുല്‍ ഉലമാ ഇസ്‌ലാമിക് അക്കാദമിയുടെ കീഴില്‍ സുല്‍ത്താന്‍ ബത്തേരി മൈതാനിക്കുന്നില്‍ പുതുതായി ആരംഭിക്കുന്ന വനിതാ ഇസ്‌ലാമിക് ആന്‍ഡ് ആര്‍ട്‌സ് കോളജ് ഉദ്ഘാടനം ഇന്ന് വൈകിട്ട് നാലിന് പാണക്കാട് സയ്യിദ് സ്വാദിഖലി ശിഹാബ് തങ്ങള്‍ നിര്‍വഹിക്കും.
സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനാവും. റഹ്മത്തുള്ള ഖാസിമി മൂത്തേടം മുഖ്യപ്രഭാഷണം നടത്തും.
തുടര്‍ന്ന് നടക്കുന്ന പ്രാര്‍ഥന സംഗമത്തിന് പാണക്കാട് സയ്യിദ് ശഹീറലി ശിഹാബ് തങ്ങള്‍ നേതൃത്വം നല്‍കും.
ദുരിത ബാധിത പ്രദേശങ്ങളില്‍ സ്തുത്യര്‍ഹമായ സേവനം ചെയ്ത എസ്.കെ.എസ്.എസ്.എഫ് വിഖായ പ്രവര്‍ത്തകരെ ചടങ്ങില്‍ ആദരിക്കും.