പിണങ്ങോട്: ഒരാഴ്ചയോളമായി ജില്ലയില്‍ പെയ്യുന്ന മഴയില്‍ ഇത്തവണയും കെടുതിയില്‍ ഒറ്റപ്പെട്ട് എടത്തറക്കടവ് നിവാസികള്‍.
മുന്‍ വര്‍ഷങ്ങളിലേത് പോലെ ഇത്തവണയും എടത്തറക്കടവ്, പന്നിയോറ കോളനിക്കാര്‍ ഓറ്റപ്പെട്ട സ്ഥിതിയിലാണ്. പിണങ്ങോട് പാലമുക്കിലെ റോഡില്‍ നിന്നും ഇവിടങ്ങളിലേക്കുള്ള റോഡില്‍ വെള്ളം കയറിയതിനാല്‍ എടത്തറക്കടവ് കോളനി വാസികള്‍ക്ക് യാത്ര ദുഷ്‌കരമായിരിക്കുകയാണ്.
എടത്തറക്കടവ്- പന്നിയോറ- ഇടിയംവയല്‍, ആറാംമൈല്‍ എന്നിവിടങ്ങളിലേക്ക് എളുപ്പത്തില്‍ എത്താന്‍ സാധിക്കുന്ന ഈ റോഡ് ഇത്തവണയും വെള്ളത്താല്‍ മൂടപ്പെട്ടിരിക്കുകയാണ്. റോഡ് പൂര്‍ണമായും വള്ളത്തില്‍ മൂടപ്പെട്ടതിനാല്‍ ഇവിടങ്ങളിലുള്ളവര്‍ക്ക് നിത്യോപയോഗ സാധനങ്ങള്‍ വാങ്ങുന്നതിന് പോലും ടൗണുകളിലേക്ക് വരുന്നതിന് അസാധ്യമായിരിക്കുകയാണ്.
റോഡ് ഉയര്‍ത്തി വരും വര്‍ഷങ്ങളിലെങ്കിലും ഇതിന് ശാശ്വത പരിഹാരം കാണണമെന്നതാണ് പ്രദേശത്തുകാരുടെ ആവശ്യം.