HOME
DETAILS

കൊവിഡ്‌ രോഗത്തിലും തളരാതെ തക്ബീര്‍ ധ്വനികളുമായി പെരുന്നാള്‍ നമസ്‌കാരം 

  
backup
July 31 2020 | 07:07 AM

kochi-covid-center-eid-today-news

കൊച്ചി:കൊവിഡ്‌ രോഗത്തിലും തളരാതെ തക്ബീര്‍ ധ്വനികളുമായി പെരുന്നാള്‍ നമസ്‌കാരം നിര്‍വഹിച്ച് കൊവിഡ്‌ ഫസ്റ്റ് ലൈന്‍ ട്രീറ്റ്‌മെന്റ് സെന്ററായ അങ്കമാലി അഡ്‌ലക്‌സ് സെന്ററില്‍ ചകിത്സയില്‍ കഴിയുന്ന വിശ്വാസികള്‍ 'നമസ്‌കാരാനന്തരമുള പ്രാര്‍ഥനയില്‍ അമുസ്ലീം സഹോദരങ്ങളും പങ്കെടുത്തത് രോഗത്തിന് മതമില്ലെന്ന ഓര്‍മപ്പെടുത്തലായി.

ലോകം കീഴടക്കിയ മഹാമാരി യില്‍ നിന്ന് നാടിനെ രക്ഷിക്കണമെന്ന പ്രാര്‍ഥനയോടെയാണ് അങ്കമാലിയിലെ ഫസ്റ്റ് ലൈന്‍ ട്രീറ്റ്‌മെന്റ് സെന്ററില്‍ കഴിയുന്ന വിശ്വാസികള്‍ നമസ്‌കാരത്തിനായി അണി നിരന്നത്.അധികൃതരുടെ അനുമതിയോടെ സാമൂഹിക അകലം പാലിച്ച് മാസ്‌ക് ധരിച്ച് തക്ബീര്‍ ധ്വനികളോടെയായിരുന്നു നമസ്‌കാരം. നമസ്‌കാരത്തിന് ശേഷമുള്ള പ്രാര്‍ഥനയയില്‍ ഇതര മതസ്തരും പങ്കാളികളായി.

കുഴിവേലി പടി സ്വദേശി യും വാഫി വിദ്യാര്‍ത്ഥിയുമായ അബ്ബാദ് നമസ്‌കാരത്തിന്നും പ്രാര്‍ഥനക്കും നേതൃത്വം നല്‍കി. കുഞ്ഞുണ്ണിക്കര സ്വദേശിയായ 6 വയസുകാരന്‍ മുതല്‍ 65 വയസുവരെയുള്ള 20 ഓളം പേര്‍ നമസ്‌കാരത്തില്‍ പങ്കെടുത്തു.സംസ്ഥാനത്തെ തന്നെ ഏറ്റവും വലിയ കൊവിഡ്‌ ഫസ്റ്റ് ലൈന്‍ ട്രീറ്റ്‌മെന്റ് സെന്ററായ അങ്കമാലി അഡ്‌ലക്‌സ് സെന്ററില്‍ ഇപ്പോള്‍ സ്ത്രീകളടക്കം 200 ഓളം പേര്‍ ചികിത്സയിലുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."