വാഷിംഗ്ടണ്‍: ഇനിയൊരു ആണവപരീക്ഷണം നടത്തുകയാണെങ്കില്‍ ഉത്തര കൊറിയയ്ക്കു മേല്‍ ഉപരോധം ഏര്‍പ്പെടുത്താന്‍ ചൈന തയാറാക്കുമെന്ന് അമേരിക്കന്‍ സ്റ്റേറ്റ് സെക്രട്ടറി റെക്‌സ് ടില്ലേഴ്‌സണ്‍.

ഇക്കാര്യത്തില്‍ ചൈന അമേരിക്കയ്ക്ക് ഉറപ്പുതന്നിട്ടുണ്ട്. ഇനിയൊരു ആണവപരീക്ഷണത്തിനു മുതിരരുതെന്നു ഉത്തര കൊറിയയോട് ആവശ്യപ്പെട്ടിട്ടുണ്ടെന്നു ചൈന അറിയിച്ചതായിയും ടില്ലേഴ്‌സണ്‍ പറഞ്ഞു.

ഉത്തര കൊറിയയുമായി വലിയ യുദ്ധത്തിനുതന്നെ യു.എസ് ഒരുക്കമാണെന്ന് പ്രസിഡന്റ്് ഡൊണാള്‍ഡ് ട്രംപ് വാര്‍ത്താ ഏജന്‍സിയായ റോയിറ്റേഴ്‌സിനു നല്‍കിയ അഭിമുഖത്തില്‍ വ്യക്തമാക്കി.

എന്നാല്‍ നയതന്ത്ര ചര്‍ച്ചകള്‍ക്കാണ് ആദ്യം പ്രാധാന്യം നല്‍കുന്നത്. സമാധാനപരമായി പ്രശ്‌നങ്ങള്‍ പരിഹരിക്കാനാണ് ശ്രമം. ഉത്തര കൊറിയയ്്ക്കുമേല്‍ സാമ്പത്തിക ഉപരോധമടക്കുള്ള സമ്മര്‍ദ്ദങ്ങള്‍ക്ക് അമേരിക്ക തയറാകുമെന്നും ട്രംപ് പറഞ്ഞു. നയതന്തപരമായി കാര്യങ്ങള്‍ പരിഹരിക്കണമെന്നാണ് ഞങ്ങളുടെ ആഗ്രഹം. എന്നാല്‍ അതു പ്രയാസമാണെന്നാണ് ഇപ്പോഴത്തെ സ്ഥിതിഗതികള്‍ സൂചിപ്പിക്കുന്നത്- ട്രംപ് കൂട്ടിച്ചേര്‍ത്തു.