പുത്തനത്താണി : പുത്തനത്താണിയില്‍ പതുതായി പ്രവര്‍ത്തനമാരംഭിച്ച ബസ് സ്റ്റാന്‍ഡില്‍ ബസുകള്‍ കയറി തുടങ്ങി. വളാഞ്ചേരി, കുറ്റിപ്പുറം, കാടാമ്പുഴ ഭാഗത്ത് നിന്നും വരുന്ന ഓര്‍ഡിനറി ബസുകളും ദീര്‍ഘദൂര ബസുകളും സ്റ്റാന്‍ഡില്‍ കയറി.
ടൗണില്‍ കോട്ടക്കല്‍ ഭാഗത്തേക്ക് പോകുന്ന ബസുകള്‍ പുതിയ ട്രാഫിക് പരിഷ്‌കാരത്തിന്റെ ഭാഗമായി ദേശീയ പാതയോരത്ത് നിര്‍ത്തി ആളുകളെ ഇറക്കുകയും കയറ്റുകയും ചെയ്യുന്ന സ്‌റ്റോപ്പ് പൂര്‍ണമായും ആര്‍.ടി.ഒ നിരോധിച്ചു. ബസ് സ്റ്റാന്‍ഡില്‍ മാത്രമാണ് ആളുകളെ ഇറക്കുകയും കയറ്റുകയും ചെയ്യുന്നത്. പുതിയ ട്രാഫിക് പരിഷ്‌കരണം ടൗണില്‍ അനുഭവപെട്ടിരുന്ന ഗതാഗതക്കുരുക്ക് ഇതോടെ ഇല്ലാതായിരുക്കുന്ന അവസ്ഥയാണിപ്പോള്‍. ടൗണില്‍ പുതുതായി നടപ്പിലാക്കുന്ന ട്രാഫിക് പരിഷ്‌കരണങ്ങള്‍ ലംഘിക്കുന്നവര്‍ക്കെതിരേ കര്‍ശന നടപടി സ്വീകരിക്കുമെന്ന് ആര്‍.ടി.ഒ അനസ് മുഹമ്മദ് അറിയിച്ചു.