പാലക്കാട് : റിപ്പോര്‍ട്ടിംഗ്, ഓണ്‍ലൈന്‍ പ്രവര്‍ത്തനങ്ങള്‍, മാര്‍ക്കറ്റിംഗ്, സര്‍ക്കുലേഷന്‍ എന്നീ മേഖലകളില്‍ സുപ്രഭാതം പത്രത്തിന് സംഘടനാതലത്തില്‍ സപ്പോര്‍ട്ട് ചെയ്യുന്ന ക്ലസ്റ്റര്‍, പഞ്ചായത്ത്, റെയ്ഞ്ച്, മേഖല, മണ്ഡലം തലങ്ങളില്‍ നിശ്ചയിക്കപ്പെടുന്ന കോഡിനേറ്റര്‍മാര്‍ക്ക് പരിശീലനം നല്‍കുന്നതിനായി ജില്ലയിലെ എസ്.കെ.എസ്.എസ്.എഫ് ക്ലസ്റ്റര്‍, മേഖലാ പ്രതിനിധികള്‍, എസ്.വൈ.എസ് പഞ്ചായത്ത്, മണ്ഡലം പ്രതിനിധികള്‍, റെയ്ഞ്ച് ജംഇയ്യത്തുല്‍ മുഅല്ലിമീന്‍ പ്രതിനിധികള്‍ എന്നിവരെ പങ്കെടുപ്പിച്ച് സുപ്രഭാതം കോഡിനേറ്റര്‍ ശില്‍പശാല ജനുവരി ഒന്നിന് പത്തിരിപ്പാല ചന്ത ദാറുസ്സലാം മദ്്‌റസയില്‍ നടത്തുവാന്‍ ഗവേണിംഗ് ബോഡി യോഗം തീരുമാനിച്ചു.
ക്യാംപ് സംഘാടനവുമായി ബന്ധപ്പെട്ട് കാര്യങ്ങള്‍ നിര്‍വഹിക്കുന്നതിന് പി.എം യൂസഫ് പത്തിരിപ്പാലയെ ചുമതലപ്പെടുത്തി. ജില്ലയിലെ കിഴക്കന്‍മേഖലയിലും തമിഴ്‌നാട്ടിലും സര്‍ക്കുലേഷന്‍ പ്രവര്‍ത്തനം സജീവമാക്കാനും മാസവരിക്കാരെ ചേര്‍ക്കുന്നതിനുമായി പ്രത്യേകം ക്യാംപയിന്‍ ആചരിക്കാനും തീരുമാനിച്ചു. ഗവേണിംഗ് ബോഡി ചെയര്‍മാന്‍ അല്‍ഹാജ് സി.കെ.എം സാദിഖ് മുസ്‌ലിയാര്‍ യോഗത്തില്‍ അധ്യക്ഷനായി.
സുപ്രഭാതം സി.ഇ.ഒ മുസ്തഫ മുണ്ടുപാറ ഉദ്ഘാടനം ചെയ്തു. കണ്‍വീനര്‍ ടി.കെ മുഹമ്മദ്കുട്ടി ഫൈസി കരുവാന്‍പടി സ്വാഗതവും വര്‍ക്കിംഗ് ചെയര്‍മാന്‍ സി.മുഹമ്മദലി ഫൈസികോട്ടോപ്പാടം നന്ദിയും പറഞ്ഞു. കുടക് എം.അബ്ദുറഹിമാന്‍ മുസ്‌ലിയാര്‍, ജി.എം സ്വലാഹുദ്ദീന്‍ ഫൈസി വല്ലപ്പുഴ, ഇ.വി ഖാജാ ദാരിമി, തൂത, ടി.പി അബൂബക്കര്‍ മുസ്‌ലിയാര്‍ പാലക്കോട്, ടി.എച്ച്.എ കബീര്‍അന്‍വരി മേലേ പട്ടാമ്പി, എന്‍.ഹബീബ് ഫൈസി കോട്ടോപ്പാടം, പി.എം യൂസഫ് പത്തിരിപ്പാല, എം.ടി മുസ്തഫ അഷ്‌റഫി കക്കുപ്പടി, പി.ടി ഹംസ ഫൈസി പാലക്കാട്, എഡിഷന്‍ ആര്‍.എം ഷാനവാസ്, ഫൈസല്‍ കോങ്ങാട് ചര്‍ച്ചയില്‍ പങ്കെടുത്തു.