കണ്ണൂര്‍: ജനാധിപത്യം സംരക്ഷിക്കണമെങ്കില്‍ ജനങ്ങള്‍ സദാ സൂക്ഷ്മത പാലിക്കണമെന്നും അല്ലെങ്കില്‍ ഒരു രാവിലെ എഴുന്നേല്‍ക്കുന്നത് ജനാധിപത്യ വ്യവസ്ഥ നഷ്ടപ്പെട്ടുവെന്നറിഞ്ഞുകൊണ്ടായിരിക്കുമെന്ന് കഥാകൃത്ത് ടി. പദ്മനാഭന്‍. ഫോറം ഫോര്‍ ഡെമോക്രസി ആന്‍ഡ് കമ്യൂണല്‍ ആക്ടിവിറ്റിയുടെ നേതൃത്വത്തില്‍ ഇന്ത്യന്‍ ജനാധിപത്യവും സ്വാതന്ത്ര്യത്തിന്റെ ഭാവിയും എന്ന വിഷയത്തില്‍ ചേംബര്‍ ഹാളില്‍ നടന്ന സെമിനാര്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സമര്‍ഥനും പേടിക്കേണ്ടവനുമാണ് അമിത്ഷാ അദ്ദേഹമെന്നും പത്മനാഭന്‍ പറഞ്ഞു. ടി.കെ ഹുസൈന്‍ അധ്യക്ഷനായി. കെ.ഇ.എന്‍ കുഞ്ഞഹമ്മദ്, സി.കെ അബ്ദുള്‍ അസീസ്, ടി.പി മുഹമ്മദ് ഷമീം, പി.കെ പാറക്കടവ്, ഒ. അബ്ദുല്‍ റഹ്മാന്‍, കെ. ബാലചന്ദ്രന്‍, യു.പി സിദ്ദിഖ്, വി.കെ ഖാലിദ് സംസാരിച്ചു.