മക്ക: ഹജ്ജിനെത്തിയ തീര്‍ത്ഥാടകാരില്‍ ഹൃദ്രോഗം ബാധിച്ച അഞ്ചു ഹാജിമാര്‍ക്ക് ഹൃദയം തുറന്ന (ഓപ്പണ്‍ ഹാര്‍ട്ട് ശസ്ത്രക്രിയ) നടത്തിയതായി സഊദി ആരോഗ്യ മന്ത്രാലയം അറിയിച്ചു. മക്കയിലെയും മദീനയിലെയും പ്രധാന ആശുപത്രികളില്‍ വച്ചാണ് ഹാജിമാര്‍ക്ക് ഇത്തരത്തിലുള്ള ശസ്ത്രക്രിയകള്‍ നടത്തുന്നത്. കൂടാതെ മദീനയില്‍ മാത്രം 31 സാധാരണ ശസ്ത്രക്രിയകള്‍ നടത്തിയിട്ടുണ്ട്.

ഇതിനകം 82 തീര്‍ത്ഥാടകര്‍ക്ക് കത്തീറ്റര്‍ ശസ്ത്രക്രിയയും 28 പേര്‍ക്ക് താക്കോല്‍ദ്വാര ശസ്ത്രക്രിയകളും 226 പേര്‍ക്ക് മറ്റുപല ശസ്ത്രക്രിയകളും നടത്തി. പുണ്യ ഭൂമിയിലെത്തുന്ന ഹാജിമാര്‍ക്ക് വിദഗ്ധ ചികിത്സ ഉറപ്പാക്കി ഹജ്ജ് കര്‍മ്മം നിര്‍വ്വഹിക്കാന്‍ ഹാജിമാരെ പ്രാപ്തരാക്കാന്‍ സഊദി ആരോഗ്യ മന്ത്രാലയം വിപുലമായ സംവിധാനങ്ങളാണ് ഒരുക്കിയിരിക്കുന്നത്.