കൊച്ചി: എറണാകുളം പെരുമ്പാവൂരില്‍ 120 കിലോ കഞ്ചാവുമായി മൂന്നു പേര്‍ പിടിയില്‍. അടിമാലി സ്വദേശി വിനോദ്, കാഞ്ഞിരപ്പള്ളി സ്വദേശി ജോബി,തൃശൂര്‍ സ്വദേശി മാത്യു എന്നിവരാണ് പിടിയിലായത്.

ആന്ധ്രയില്‍ നിന്ന് എത്തിച്ച കഞ്ചാവാണിതെന്നാണ് പൊലിസിന്റെ നിഗമനം. കഞ്ചാവ് കടത്താന്‍ ഉപയോഗിച്ച പിക് അപ് വാനും മറ്റൊരു കാറും പെരുമ്പാവൂര്‍ പൊലിസ് പിടിച്ചെടുത്തിട്ടുണ്ട്. ഇടുക്കിയിലേക്ക് കടത്താന്‍ ശ്രമിക്കവേയാണ് പിടിയിലാവുന്നത്.