സയ്യിദ് മുഈനലി ശിഹാബ് തങ്ങൾക്കെതിരെയുള്ള വധഭീഷണി പ്രതിഷേധാർഹം

പൊതുസമൂഹം ഏറെ ആദരിക്കുകയും പ്രാസ്ഥാനിക രംഗത്ത് വലിയ പ്രതീക്ഷ നൽകുകയും ചെയ്യുന്ന പാണക്കാട് സയ്യിദ് മുഈ നലി ശിഹാബ് തങ്ങൾക്ക് വധഭീഷണി മുഴക്കിയ നികൃഷ്ടമായ ചെയ്തിയിൽ സമസ്ത കേരള ജംഇയ്യത്തുൽ ഖുത്വബാ സംസ്ഥാന കമ്മിറ്റി ശക്തമായ പ്രതിഷേധവും അമർഷവും രേഖപ്പെടുത്തി.

കാഴ്ചപ്പാടുകളിലെയും സമീപന രീതികളിലെയും വൈവിധ്യങ്ങളെ സഹിഷ്ണുതയോടെ ഉൾക്കൊള്ളുന്നതിന് പകരം വിവേകശൂന്യതയെ കൂട്ടുപിടിച്ച് ഭീഷണിയുമായി രംഗത്ത് വരുന്നവർക്കെതിരെ ശക്തമായ നിയമനടപടി സ്വീകരിക്കണമെന്ന് സംസ്ഥാന കമ്മിറ്റി പ്രസിഡന്റ് കൊയ്യോട് ഉമർ മുസ്ല്യാർ സിക്രട്ടറി നാസർ ഫൈസി കൂടത്തായ് ട്രഷറർ സുലൈമാൻ ദാരിമി ഏലംകുളം ഹംസ റഹ്മാനി കൊണ്ടി പറമ്പ് ഹദി യതുള്ള തങ്ങൾ ഇമ്പിച്ചി കോയതങ്ങൾ കൊടക്കാട് കെ സി - മുഹമ്മദ് ബാഖവി മുജീബ് ഫൈസി വയനാട് എം ടി അബൂബകർ ദാരിമി റഹിം ഫൈസി പാലക്കാട് ഇ-ടി അബ്ദുൽ അസീസ് ദാരിമി വടകര ചുഴലിമുഹ് യദ്ദീൻ മുസ്ല്യാർ ഹമീദ് ദാരിമി കന്നട അബ്ദുൽ ഫത്താഹ് ദാരിമി മാണിയൂർ അനസ് ബാഖവി എറണാംകുളം ശാഫി മൗലവി കായംകുളം ഹനീഫ് കാശിഫി ഇടുക്കി എന്നിവർ സംയുക്ത പ്രസ്താവനയിൽ സർക്കാറിനോട് ആവശ്യപ്പെട്ടു