കോഴിക്കോട്: ദുബൈ കോഴിക്കോട് സിറ്റി കെഎംസിസി കമ്മിറ്റിയും വെള്ളയില്‍ സൗത്ത് മുസ്്‌ലിംലീഗ് കമ്മിറ്റിയും സംയുക്തമായി നിര്‍മ്മിച്ച രണ്ട് ബൈത്തുറഹ്മകളുടെ താക്കോല്‍ദാനം മുസ്്‌ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍ നിര്‍വഹിച്ചു. ജീവകാരുണ്യരംഗത്ത് മുസ്്‌ലിംലീഗ് നടത്തിയ സംഭാവനകള്‍ എല്ലാ തരത്തിലുള്ള രാഷ്ട്രീയ പാര്‍ട്ടികള്‍ക്കും മാതൃകയാണെന്ന്് തങ്ങള്‍ പറഞ്ഞു. സഹജീവികളുടെ വേദനകള്‍ കണ്ടറിയാനുള്ള കരുതല്‍ ഓരോ രാഷ്ട്രീയ പ്രവര്‍ത്തകന്റെയും കൈമുതലാകണമെന്നും അദ്ദേഹം പറഞ്ഞു.

വെള്ളയില്‍ പ്രദേശത്തെ കുടുംബങ്ങള്‍ക്കാണ് വീട് നിര്‍മ്മിച്ച് നല്‍കിയത്. ചടങ്ങില്‍ ദുബൈ കെഎംസിസി സിറ്റി കമ്മിറ്റി പ്രസിഡന്റ് സി.വി.എ ലത്തീഫ് അധ്യക്ഷനായി. മുസ്്‌ലിംലീഗ് സംസ്ഥാന ജനറല്‍ സെക്രട്ടറി ഇന്‍ചാര്‍ജ് പി.എം.എ സലാം, കോഴിക്കോട് ജില്ലാ ജനറല്‍ സെക്രട്ടറി എംഎ റസാഖ് മാസ്റ്റര്‍, സംസ്ഥാന വൈസ് പ്രസിഡന്റ് എംസി മായിന്‍ഹാജി, യൂത്ത്‌ലീഗ് സംസ്ഥാന സെക്രട്ടറി ടിപിഎം ജിഷാന്‍, ദുബൈ കെഎംസിസി കോഴിക്കോട് ജില്ലാ പ്രസിഡന്റ് ഇസ്മാഈല്‍ ഏറാമല, നാസര്‍ മുല്ലക്കല്‍, ഹംസ പയ്യോളി, ജമാല്‍ പികെ, മുഹമ്മദ് പുറമേരി, സികെസി ജമാല്‍, ഷരീഫ് പുതിയങ്ങാടി, ജലീല്‍ മശ്ഹൂര്‍, നവാസ് മൂഴിക്കല്‍, പി ഇസ്മാഈല്‍, എ സഫറി, ഉമ്മര്‍കോയ നടുവണ്ണൂര്‍, കെപി അബ്ദുല്‍കരീം, എംകെ ഷൗക്കത്തിലി, മജീദ് കുനിയില്‍, പിപി അഹമ്മദ് കോയ, കെപി ഗഫൂര്‍, ഉമ്മര്‍ കുനിയില്‍, കെ റംലത്ത് സംസാരിച്ചു. സംഘാടക സമിതി ചെയര്‍മാന്‍ എംകെ ഹംസ സ്വാഗതവും ട്രഷറര്‍ ചോലക്കല്‍ അബൂബക്കര്‍ നന്ദിയും പറഞ്ഞു.

ചടങ്ങില്‍ പാവപ്പെട്ട വിദ്യാര്‍ഥികള്‍ക്ക് വിദ്യാഭ്യാസ സ്‌കോളര്‍ഷിപ് വിതരണം, ചികിത്സാ സഹായം, പഴയ കാല മുസ്്‌ലിംലീഗ് പ്രവര്‍ത്തകരെ ആദരിക്കല്‍, കോവിഡ് കാലത്ത് മികച്ച സേവനം നടത്തിയ കെഎംസിസി പ്രവര്‍ത്തകര്‍ക്കുള്ള അവാര്‍ഡ്ദാനം എന്നിവ നടത്തി.