കൊല്ലം: ചവറയില്‍ രണ്ടരവയസുകാരിയായ മകളെ പ്രകൃതിവിരുദ്ധ പീഡനത്തിന് വിധേയമാക്കിയ പിതാവ് റിമാന്റില്‍. പന്മന കോലം പുഷ്പമന്ദിരത്തില്‍ സന്ദീപി(30)നെയാണ് റിമാന്റ് ചെയ്തത്. കഴിഞ്ഞ പതിനൊന്നിന് വൈകീട്ട് ആറിന് കുട്ടിയെ വീട്ടില്‍ വച്ചാണ് പീഡിപ്പിച്ചതെന്ന് ചവറ പൊലിസില്‍ കുട്ടിയുടെ മാതാവ് നല്‍കിയ പരാതിയില്‍ പറയുന്നു. നെഞ്ചിലും മറ്റും നഖത്തിന്റെ മുറിപ്പാടുകള്‍ കണ്ടെത്തിയതിനെ തുടര്‍ന്ന് കരുനാഗപ്പളളി താലൂക്കാശുപത്രിയല്‍ എത്തിച്ച കുട്ടിയെ ഡോക്ടര്‍മാര്‍ പരിശോധിച്ചപ്പോഴാണ് പീഡന വിവരം പുറത്തറിഞ്ഞത്. സംഭവത്തിന് ശേഷം ഒളിവില്‍പ്പോയ സന്ദീപിനെ എസ്.ഐ ജയകുമാറിന്റെ നേതൃത്വത്തിലുള്ള സംഘം കഴിഞ്ഞദിവസം രാത്രിയില്‍ പ്രതിയെ പിടികൂടിയിരുന്നു. കെ.എം.എം.എല്‍ ലാപ്പാ തൊഴിലാളിയാണ് ഇയാള്‍.