റിയാദ്: 'തിരുനബി (സ) സ്നേഹം, സമത്വം, സഹിഷ്ണുത എന്ന പ്രമേയത്തിൽ സമസ്ത ഇസ്‌ലാമിക് സെന്റർ (എസ് ഐ സി) റിയദ് സെൻട്രൽ കമ്മിറ്റിയുടെ
ഒരുക്കം'23 ചതുർമാസ സംഘടനാ ശാക്തീകരണ കാംപയിനിന്റെ ഭാഗമായി ഉപസമിതി ടീനേജ് വിംഗിന്റെ ആഭിമുഖ്യത്തിൽ ഖുർആൻ-ഹിഫ്ള് പാരായണ മത്സരം സംഘടിപ്പിച്ചു.

ബത്ഹ സഫമക്ക പോളി ക്ലിനിക് ഓഡിറ്റോറിയത്തിൽ നടന്ന പരിപാടിയിൽ ടീനേജ് വിങ്ങ് ചെയർമാൻ അബ്ദുൽ ജലീൽ ആലുവ അധ്യക്ഷത വഹിച്ചു. എസ് ഐ സി റിയാദ് സെൻട്രൽ കമ്മിറ്റി പ്രസിഡണ്ട് ബഷീർ ഫൈസി ചുങ്കത്തറ ഉദ്ഘാടനം നിർവഹിച്ചു. സെൻട്രൽ കമ്മിറ്റി ചെയർമാൻ സൈതലവി ഫൈസി പനങ്ങാങ്ങര, കമ്മിറ്റി ജനറൽ സെക്രട്ടറി ശുഐബ് വേങ്ങര പ്രസംഗിച്ചു. ഷാഫി ഹുദവി ഓമശ്ശേരി, ദാവൂദ് ഹുദവി കാസർകോട് പരിപാടികൾ നിയന്ത്രിച്ചു.

ഖുർആൻ പാരായണ മത്സരത്തിലും ഹിഫ്ള് മത്സരത്തിലും മുഹമ്മദ് സഹൽ, അനസ് എ യഥാക്രമം ഒന്ന് രണ്ട് സ്ഥാനങ്ങൾ കരസ്ഥമാക്കി. ഖുർആൻ പാരായണ മത്സരത്തിൽ മൂന്നാം സ്ഥാനം മുഹമ്മദ്‌ മുസമ്മിൽ കാടേരിയും അബ്ദുസ്സലാം ചേങ്ങോട്ടൂരും പങ്കിട്ടു. ഹിഫ്ള് മത്സരത്തിൽ മുഹമ്മദ് മുസമ്മിൽ മൂന്നാം സ്ഥാനം കരസ്ഥമാക്കി. അബ്ദുൽ ഗഫൂർ ചുങ്കത്തറ, റഷീദ് തളിക്കുളം, അസൈനാർ പട്ടാമ്പി എന്നിവർ നേതൃത്വം നൽകി. ടീനേജ് വിങ്ങ് ജനറൽ കൺവീനർ ഫാസിൽ കണ്ണൂർ സ്വാഗതവും മൻസൂർ വാഴക്കാട് നന്ദിയും പറഞ്ഞു.