ഫലസ്തീൻ ജനതക്ക് വേണ്ടി അയച്ച കുവൈത്തിന്റെ സഹായങ്ങൾ ഗസ്സയിലെത്തി തുടങ്ങി

കു​വൈ​ത്ത് സി​റ്റി: ഇസ്‌റാഈൽ ആക്രമണത്തിൽ ദുരിതമനുഭവിക്കുന്ന ഫലസ്തീൻ ജനതക്ക് കുവൈത്തിൽ നിന്ന് അയച്ച സഹായങ്ങൾ ലഭിച്ചതായി റെഡ് ക്രസന്റ് അറിയിച്ചു. ഈ​ജി​പ്തി​ലെ റ​ഫ അ​തി​ർ​ത്തി വ​ഴി ഗ​സ്സ​യി​ലേക്ക് അയച്ച ഭക്ഷണം ഉൾപ്പെടെയുള്ള സാധന സാമഗ്രികളിൽ ഭൂരിഭാഗവും എത്തിയതായി റെ​ഡ് ക്ര​സ​ന്റ് സൊ​സൈ​റ്റി (ഇ.​ആ​ർ.​സി.​എ​സ്) ത​ല​വ​ൻ റാ​മി അ​ൽ നാ​സ​ർ ആണ് വ്യക്തമാക്കിയത്. പത്ത് വിമാനം സാധനങ്ങളാണ് കുവൈത്ത് ഫലസ്തീനിലെ ജനങ്ങൾക്ക് സമ്മാനിച്ചത്.

കു​വൈ​ത്തി​ൽ നിന്ന് പത്ത് വിമാനങ്ങളിലായി ആകെ 280 ട​ൺ വസ്തുക്കളാണ് കയറ്റി അയച്ചത്. ഭക്ഷ്യ വസ്തുക്കൾ, മരുന്നുകൾ, മെ​ഡി​ക്ക​ൽ വസ്തുക്കൾ, താമസിക്കാനുള്ള ടെന്റുകൾ, വൈ​ദ്യു​തി ഉ​ൽ​പാ​ദി​പ്പി​ക്കു​ന്ന​തി​നു​ള്ള ഉ​പ​ക​ര​ണ​ങ്ങ​ൾ, കുട്ടികൾക്കുള്ള വസ്തുക്കൾ ഉൾപ്പെടെയുള്ള സാധന സാമഗ്രികളാണ് ഇതിലുണ്ടായിരുന്നത്. ഇ​വ​യി​ൽ ഭൂ​രി​ഭാ​ഗ​വും ഗ​സ്സ​യി​ൽ എ​ത്തി.

ഗസ്സയിൽ എത്തിയ വസ്തുക്കൾ ആവശ്യക്കാരായ ആളുകൾക്കും ദുരിതാശ്വാസ ക്യാമ്പുകളിലും അഭയാർത്ഥി ക്യാമ്പുകളിലും കഴിയുന്നവർക്കും എത്തിക്കും. ഇതോടൊപ്പം കുവൈത്തിൽ നിന്ന് എത്താനുള്ള ശേ​ഷി​ക്കു​ന്ന സ​ഹാ​യം എ​ത്തി​ക്കാ​നായി ഇ.​ആ​ർ.​സി.​എ​സ് പ്ര​വ​ർ​ത്തി​ക്കു​ന്ന​താ​യും റാ​മി അ​ൽ നാ​സ​ർ അറിയിച്ചു.

ഗ​സ്സ​ക്ക് അ​ടി​സ്ഥാ​ന ആ​വ​ശ്യ​ങ്ങ​ൾ ന​ൽ​കു​ന്ന​തി​ന് കു​വൈ​ത്ത്, ഈ​ജി​പ്ത്, ഫ​ല​സ്തീ​ൻ റെ​ഡ് ക്ര​സ​ന്റ് സൊ​സൈ​റ്റി​ക​ൾ​ക്കി​ട​യി​ൽ ഏ​കോ​പ​ന​മു​ണ്ട്. റ​ഫ ക്രോ​സി​ങ് വ​ഴി​യാ​ണ് ഫ​ല​സ്തീ​ൻ റെ​ഡ് ക്ര​സ​ന്റി​ന് സ​ഹാ​യം കൈ​മാ​റു​ന്ന​ത്. കുവൈത്തിനെ പോലെ തന്നെ വിവിധ അറബ് രാജ്യങ്ങളും ഗസ്സയിലേക്ക് ആവശ്യമായ സഹായങ്ങൾ അയച്ചുവരികയാണ്. യുഎഇ അവശ്യസാധനങ്ങളുടെ നിരവധി ട്രക്കുകൾ ഇതിനോടകം അയച്ചു. ഖത്തറും ബഹ്‌റൈനും ഒമാനും സമാനരീതിയിൽ നടത്തുന്നുണ്ട്. ഫലസ്തീനിലെ ജനതക്ക് വേണ്ടി ക്രൗഡ് ഫണ്ട് സ്വീകരിച്ച് വരികയാണ് സഊദി അറേബ്യ.

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക https://chat.whatsapp.com/BRPMYfzNHhY2483Sqrze5o