ആലപ്പുഴ: ആലപ്പുഴ തീരത്ത് അജ്ഞാത മൃതദേഹം കണ്ടെത്തി. അര്‍ത്തുങ്കല്‍ ഹാര്‍ബറിന് സമീപം ഇന്ന് രാവിലെയാണ് ഒരു പുരുഷന്റെ മൃതദേഹം തീരത്ത് അടിഞ്ഞത്. മൃതദേഹം തിരിച്ചറിയാന്‍ കഴിയാത്ത നിലയിലാണ്. വാന്‍ ഹായ് കപ്പലില്‍ നിന്ന് കാണാതായ യമന്‍ പൗരന്റെ മൃതദേഹമാണോ ഇതെന്ന് പൊലിസ് സംശയിക്കുന്നു. കഴിഞ്ഞ ദിവസം ഞാറക്കലില്‍ കടലില്‍ കാണാതായ യമന്‍ വിദ്യാര്‍ത്ഥികളില്‍ ഒരാളുടെ മൃതദേഹമാകാനും സാധ്യതയുണ്ട്. 

അതേസമയം, വാന്‍ ഹായ് കപ്പലില്‍ നിന്ന് ആലപ്പുഴ തീരത്ത് അടിഞ്ഞ കണ്ടെയ്‌നറും, കഴിഞ്ഞ ദിവസം അറപ്പപ്പൊഴിയില്‍ കണ്ടെത്തിയ ലൈഫ് ബോട്ടും കൊല്ലം പോര്‍ട്ടിലേക്ക് മാറ്റുന്നതിനുള്ള നടപടികള്‍ തുടങ്ങി. കണ്ടെയ്‌നര്‍ റോഡ് മാര്‍ഗം കൊല്ലത്തേക്ക് കൊണ്ടുപോകും. കണ്ടെയ്‌നര്‍ നീക്കം ചെയ്യാനുള്ള ചുമതലയുള്ള സാല്‍വേജ് കമ്പനിയാണ് ഇത് കൊല്ലത്ത് എത്തിക്കുക. മലിനീകരണ നിയന്ത്രണ വകുപ്പ് കണ്ടെയ്‌നര്‍ കണ്ടെത്തിയ സ്ഥലത്തെ കടല്‍വെള്ളം പരിശോധനയ്ക്കായി ശേഖരിച്ചു.

A dead body was found off the coast of Alappuzha, Kerala, sparking suspicions that it might belong to a Yemeni national who went missing from the cargo ship "Van Hai." Authorities are investigating the cause of death and confirming the identity of the deceased. The incident has raised concerns about maritime safety and security in the region. Further investigation is underway to determine the circumstances surrounding the death.