ഇന്ത്യന്‍ ടെലികോം രംഗത്തെ വമ്പന്‍മാരിലൊരാളാണ് എയര്‍ടെല്‍. മികച്ച വേഗതയേറിയ ഇന്റര്‍നെറ്റും, ക്വാളിറ്റിയുള്ള വോയിസ് കോളും നല്‍കുന്ന കമ്പനി ഇപ്പോള്‍ ആകര്‍ഷകരമായ നിരവധി ഓഫറുകള്‍ പുറത്തിറക്കിയിട്ടുണ്ട്.പുതിയ 9 രൂപയുടെ പ്രീപെയ്ഡ് പ്ലാനാണ് ഇതില്‍ ഏറ്റവും പ്രധാനപ്പെട്ടത്. ഈ പ്ലാന്‍ അനുസരിച്ച് അണ്‍ലിമിറ്റഡ് ഡാറ്റയാണ് കമ്പനി വാഗ്ധാനം ചെയ്യുന്നത്.കോളിങ്, എസ്എംഎസ്, വാലിഡിറ്റി പോലുള്ള ആനുകൂല്യങ്ങള്‍ ഈ പ്ലാനില്‍ ഉള്‍പ്പെടുന്നില്ല. 

9 രൂപയുടെ ഈ പ്ലാനില്‍ 1 മണിക്കൂര്‍ വാലിഡിറ്റി ലഭിക്കുന്ന ഒരു ഡേറ്റ ബൂസ്റ്ററാണ് നമുക്ക് ലഭിക്കുന്നത്. എയര്‍ടെലിന്റെ ഏറ്റവും ചെറിയ തുകയ്ക്ക്  ലഭ്യമാകുന്ന ഈ പ്ലാനിലൂടെ 10 ജിബി വരെ ഹൈ സ്പീഡ് ഇന്റര്‍നെറ്റ് വേഗത ലഭിക്കുന്നതാണ്. 10 ജിബിക്ക് ശേഷം ഡാറ്റയുടെ വേഗത 64 കെ.ബി.പി.എസ് ആയി കുറയും. അതിനാല്‍ തന്നെ 10ജിബിക്ക് ഉള്ളില്‍ നില്‍ക്കുന്ന ഒരു ഡാറ്റ ആവശ്യകത നേരിടേണ്ടി വന്നാല്‍ വളരെ പ്രയോജനം ലഭിക്കുന്നതാണ് ഈ പ്ലാന്‍. എയര്‍ടെല്ലിന്റെ രണ്ടാമത്തെ ചിലവ് കുറഞ്ഞ 19രൂപയുടെ പ്ലാനില്‍ ആകെ 1ജി.ബി ഡേറ്റ മാത്രമാണ് ലഭിക്കുക, എന്നുള്ളടിത്താണ് ഈ പ്ലാന്‍ പ്രസക്തമാകുന്നത്.

അതിനാല്‍ കൂടുതല്‍ ഡാറ്റ വേണ്ടവര്‍ക്ക് അനുയോജ്യം 9 രൂപയുടെ പുതിയ എയര്‍ടെല്‍ പ്രീപെയ്ഡ് ഡാറ്റ ബൂസ്റ്റര്‍ പ്ലാനാണ്. എന്നാല്‍ ദിവസം മുഴുവന്‍ വാലിഡിറ്റിയുള്ള ചെറിയ അളവ് ഡാറ്റ പിന്തുണ മതി എന്നുള്ളവര്‍ക്ക് 19 രൂപ മുതലുള്ള മറ്റ് എയര്‍ടെല്‍ ഡാറ്റ പ്ലാനുകളെ തുടര്‍ന്നും ആശ്രയിക്കാം. 9 രൂപയുടെ എയര്‍ടെല്‍ ഡാറ്റ പ്ലാനില്‍ ആകെ 1 രൂപയില്‍ താഴെ മാത്രമാണ് 1ജിബി ഡാറ്റയ്ക്കായി ചെലവാകുന്നത് എന്നതും ഏറെ ശ്രദ്ധേയമാണ്. അണ്‍ലിമിറ്റഡ് 5ജി ഡാറ്റ ഓഫര്‍ ലഭ്യമല്ലാത്ത എയര്‍ടെല്‍ വരിക്കാര്‍ക്കാണ് ഈ പ്ലാന്‍ കൂടുതല്‍ ഉപകാരപ്പെടുക. എയര്‍ടെല്ലിന്റെ വെബ്‌സൈറ്റിലും ആപ്പിലും ഈ പ്ലാന്‍ ഇപ്പോള്‍ ലഭ്യമാണ്.