തെല്‍അവീവ്: ഹമാസിന്റെ സൈനിക വിഭാഗമായ അല്‍ഖസ്സാം ബ്രിഗേഡ് മേധാവി മുഹമ്മദ് ദൈഫ് കൊല്ലപ്പെട്ടെന്ന അവാകാശ വാദവുമായി വീണ്ടും ഇസ്‌റാഈല്‍. ഗസ്സയിലെ ഖാന്‍ യൂനിസില്‍ ജൂലൈ 13ന് നടത്തിയ ആക്രമണത്തില്‍ ദൈഫ് കൊല്ലപ്പെട്ടെന്നാണ് ഇസ്‌റാഈല്‍ പറയുന്നത്. ഇസ്‌റാഈല്‍ പ്രത്രോധ സേന (ഐ.ഡി.എഫ്) തങ്ങളുടെ ഔദ്യോഗിക എക്‌സ് പേജില്‍ ഇക്കാര്യം സ്ഥിരീകരിച്ചിട്ടുണ്ട്. 

 (We can now confirm: Mohammed Deif was eliminated) ഞങ്ങള്‍ ഇപ്പോള്‍ സ്ഥിരീകരിച്ചു; മുഹമ്മദ് ദൈഫ് കൊല്ലപ്പെട്ടു''-ഇസ്‌റാഈല്‍ സൈന്യം(ഐഡിഎഫ്) ട്വിറ്ററില്‍ കുറിച്ചു.

ഹമാസ് നേതാവ് ഇസ്മാഈല്‍ ഹനിയ്യ ഇറാനില്‍ കൊല്ലപ്പെട്ടതിന് തൊട്ടുപിന്നാലെയാണ് ഇസ്‌റാഈലിന്റെ പ്രഖ്യാപനം. ഹമാസ് ഇതേക്കുറിച്ച് പ്രതികരിച്ചിട്ടില്ല. 

ഒക്ടോബര്‍ 7ന് ഹമാസ് ഇസ്‌റാഈലില്‍ നടത്തിയ ആക്രമണത്തിന്റ ബുദ്ധികേന്ദ്രമാണ് മുഹമ്മദ് ദൈഫ് എന്നാണ് കരുതപ്പെടുന്നത്. ഹമാസിന്റെ തുരങ്ക ശൃംഖലകളും സ്ഫോടക വസ്തുക്കളും വികസിപ്പിക്കുന്നതിലും ദൈഫ് സുപ്രധാന പങ്കുവഹിച്ചിരുന്നു.
#
നേരത്തേയും അദ്ദേഹം കൊല്ലപ്പെട്ടെന്ന് ഇസ്‌റാഈല്‍ അവകാശവാദമുന്നയിച്ചിരുന്നു. നിരവധി തവണയാണ് ദൈഫിനെതിരെ വധശ്രമമുണ്ടായത്. എന്നാല്‍ അദ്ദേഹത്തെ തൊടാന്‍ അവര്‍ക്കായില്ല. ദൈഫിനെ ലക്ഷ്യമിട്ടായിരുന്നു കഴിഞ്ഞ ദിവസം അല്‍ മവാസി അഭയാര്‍ഥി ക്യാംപില്‍ 90 ജീവനെടുത്ത ആക്രമണം ഇസ്റാഈല്‍ നടത്തിയത്. ദൈഫ് കൊല്ലപ്പെട്ടെന്ന് പടിഞ്ഞാറന്‍ മീഡിയകള്‍ പ്രചരിപ്പിച്ചു. എന്നാല്‍ വാര്‍ത്തകള്‍ തെറ്റാണെന്ന് വ്യക്തമാക്കി ഹമാസ് രംഗത്തെത്തി. 

We can now confirm: Mohammed Deif was eliminated.

— Israel Defense Forces (@IDF) August 1, 2024