പാരിസ്: പാരിസ് ഒളിംപിക്‌സിൽ നിന്ന് ഇന്ത്യക്ക് ആറാം മെഡൽ. പുരുഷൻമാരുടെ 57 കിലോ ഗ്രാം ഫ്രീ സ്റ്റൈൽ ഗുസ്തിയിൽ നിന്ന് ഇന്ത്യൻ താരം അമൻ ഷെറാവത് വെങ്കലം നേടിയതോടെയാണ് ഇന്ത്യ ആറാം മെഡൽ നേടിയത്. വെങ്കല മെഡൽ പോരാട്ടത്തിൽ പ്യൂറിട്ടോറിക്കൻ താരം ഡാരിൻ ക്രസിനെ അനായാസം തോൽപിച്ചായിരുന്നു ഇന്ത്യൻ താരത്തിന്റെ മെഡൽ നേട്ടം. മത്സരത്തിൽ എതിരാളിയിൽനിന്ന് ആദ്യം സമ്മർദം നേരിട്ടെങ്കിലും പിന്നീട് അനായാസം പോയിന്റ് നേടാൻ ഷെറാവതിന് കഴിഞ്ഞു. 13-5 നായിരുന്നു ഷെറാവത്തിന്റെ ജയം. സെമി ഫൈനലിൽ ജപ്പാൻ താരം റെയി ഹിഗുച്ചിയോട് തോറ്റായിരുന്നു ഷെറാവത് വെങ്കല മെഡൽ പോരാട്ടത്തിലെത്തിയത്.

 2024 പാരീസ് ഒളിമ്പിക്‌സിൽ  ഇന്ത്യ നേടിയ മെഡലുകൾ

മനു ഭക്കര്‍: വനിതകളുടെ വനിതകള്‍ക്കായുള്ള 10 മീറ്റര്‍ എയര്‍ പിസ്റ്റള്‍ ഇനത്തില്‍ വെങ്കലം നേടിയതോടെയാണ് ഇന്ത്യ മെഡൽ പട്ടിക തുറന്നത്. ഷൂട്ടിംഗ് ഇതിഹാസം മനു ഭക്കറാണ് ഇന്ത്യന്‍ സംഘത്തിന്റെ മെഡല്‍ പട്ടിക തുറന്നത്.

മനു ഭക്കര്‍ സരബ്ജോത് സിങ്ങ് 10 മീറ്റര്‍ എയര്‍ പിസ്റ്റള്‍ മിക്‌സഡ് ടീം: 10 മീറ്റര്‍ എയര്‍ പിസ്റ്റള്‍ മിക്സഡ് ടീം ഇനത്തില്‍ മനു ഭക്കര്‍ സരബ്ജോത് സിങ്ങിനൊപ്പം വെങ്കലം നേടി.

സ്വപ്നില്‍ കുസാലെ:  50 മീറ്റര്‍ റൈഫിള്‍ 3 പൊസിഷന്‍ ഇനത്തില്‍ സ്വപ്നില്‍ കുസാലെ മൂന്നാം സ്ഥാനത്തെത്തി. ഇതോടെ ഷൂട്ടിംഗ് സംഘം ഇന്ത്യയ്ക്ക് മൂന്ന് മെഡലുകള്‍ നേടിക്കൊടുത്തു.

ടീം ഇന്ത്യ: പുരുഷ ഹോക്കി മൂന്നാം സ്ഥാനത്തിനുള്ള പ്ലേഓഫില്‍ സ്പെയിനിനെ 2-1ന് തോല്‍പ്പിച്ചാണ് ഇന്ത്യന്‍ പുരുഷ ഹോക്കി ടീം വെങ്കലം നേടിയത്. 2020ലെ ടോക്കിയോയില്‍ നിന്നുള്ള വെങ്കലത്തിന് ശേഷം ഹോക്കിയില്‍ ഇന്ത്യയ്ക്ക് തുടര്‍ച്ചയായി മെഡല്‍ നേടിക്കൊടുക്കാന്‍ ക്യാപ്റ്റന്‍ ഹര്‍മന്‍പ്രീത് സിംഗിൻറെ രണ്ട് ഗോളുകൾ നിർണായകമായി.

നീരജ് ചോപ്ര: പുരുഷന്മാരുടെ ജാവലിന്‍ ത്രോ

പുരുഷന്മാരുടെ ജാവലിന്‍ ത്രോയില്‍ വെള്ളി മെഡല്‍ നേടിയ നീരജ് ചോപ്ര രണ്ട് ഒളിമ്പിക് മെഡലുകള്‍ നേടുന്ന ആദ്യ ഇന്ത്യന്‍ ട്രാക്ക് ആന്‍ഡ് ഫീല്‍ഡ് അത്ലറ്റായി. രണ്ടാം റൗണ്ടില്‍ 89.45 മീറ്റര്‍ എറിഞ്ഞാണ് 26-കാരന്‍ വെള്ളി നേടിയത്. മൂന്ന് വര്‍ഷം മുമ്പ് ടോക്കിയോയില്‍ 87.58 മീറ്റര്‍ എറിഞ്ഞ് സ്വര്‍ണം നേടിയിരുന്നു. പാക്കിസ്ഥാന്റെ അര്‍ഷാദ് നദീം 92.97 മീറ്റര്‍ എറിഞ്ഞ് ഒളിമ്പിക് റെക്കോര്‍ഡ് തകര്‍ത്ത് സ്വര്‍ണം നേടി.

അമൻ ഷെറാവത്: പുരുഷൻമാരുടെ 57 കിലോ ഗ്രാം ഫ്രീ സ്റ്റൈൽ ഗുസ്തിയിൽ നിന്നാണ് അമൻ ഷെറാവത് വെങ്കലം നേടിയത്. പാരിസ് ഒളിംപിക്‌സിൽ നിന്ന് ഇന്ത്യക്ക് ഇതോടെ ആറാം മെഡൽ ലഭിച്ചു. 

Indian wrestler Aman Sherawat secured India's sixth medal at the 2024 Paris Olympics with a bronze in the men's 57kg freestyle wrestling event.  The full list of medals won by India at Paris 2024, including Neeraj Chopra's silver in javelin and the Indian men's hockey team's bronze.