കണ്ണൂര്‍: പയ്യന്നൂരില്‍ വി കുഞ്ഞികൃഷ്ണനെതിരെ ബാനര്‍. ഒറ്റുകാരുടേതല്ല, പോരാളികളുടേതാണ് ചരിത്രം- പയ്യന്നൂര്‍ സഖാക്കള്‍ എന്നാണ് ബാനറില്‍ എഴുതിയിരിക്കുന്നത്. തായിനേരി കുറഞ്ഞി റോഡില്‍ സൂര്യന്‍ മുക്കിലാണ് ബാനര്‍ വലിച്ചുകെട്ടിയിരിക്കുന്നത്. 

ഇന്നലെ സി.പിഎം നേതൃത്വത്തിനെതിരെ പോസ്റ്റര്‍ പ്രത്യക്ഷപ്പെട്ടിരുന്നു. കള്ളന്‍മാര്‍ക്കും അടിമകള്‍ക്കും പ്രവേശനമില്ല എന്നെഴുതിയ പോസ്റ്ററാണ് പ്രത്യക്ഷപ്പെട്ടത്. കാരയിലെ സഖാക്കള്‍ എന്ന പേരിലാണ് പോസ്റ്റര്‍ പതിച്ചിരുന്നത്. പിന്നീട് ഇത് അഴിച്ചുനീക്കി. 

 'നേതൃത്വത്തെ അണികള്‍ തിരുത്തണം' എന്ന കുഞ്ഞികൃഷ്ണന്റെ പുസ്തകത്തില്‍ രക്തസാക്ഷി ഫണ്ടിലടക്കം തട്ടിപ്പ് നടത്തിയെന്ന, തെളിവു സഹിതമുള്ള വെളിപ്പെടുത്തലിന് പിന്നാലെയാണ് 'കള്ളന്‍മാര്‍ക്കും അടിമകള്‍ക്കും പ്രവേശനമില്ല' എന്ന ഫ്ളക്സ് ബോര്‍ഡ് കാരയില്‍ പ്രത്യക്ഷപ്പെട്ടത്. കാരയിലെ സഖാക്കള്‍ എന്ന പേരിലിറങ്ങിയ ഫ്ളക്സ് തായിനേരിയില്‍ നിന്ന് കാരയിലേക്ക് കടക്കുന്ന അതിര്‍ത്തിയിലാണ് തിങ്കളാഴ്ച രാവിലെ പ്രത്യക്ഷപ്പെട്ടത്. 

ALSO READ: താമരശേരി ചുരത്തില്‍ കെ.എസ്.ആര്‍.ടി.സി ബസും ലോറിയും കൂട്ടിയിടിച്ചു; 38 പേര്‍ക്ക് പരുക്ക്; ഗതാഗത തടസ്സം

കുഞ്ഞികൃഷ്ണന് പിന്തുണ പ്രഖ്യാപിക്കുന്ന തരത്തിലുള്ളതാണ് ഫ്ളക്സ്. കഴിഞ്ഞ നഗരസഭാ തിരഞ്ഞെടുപ്പിനുമുമ്പ് വലിയൊരു വിഭാഗം സി.പി.എം പ്രവര്‍ത്തകര്‍ നേതൃത്വവുമായി ഇടഞ്ഞു നില്‍ക്കുകയും ഇടതുമുന്നണിയുടെ ഔദ്യോഗിക സ്ഥാനാര്‍ത്ഥിക്കെതിരെ ബ്രാഞ്ച് സെക്രട്ടറി വിമതനായി മത്സരിച്ച് വന്‍ ഭൂരിപക്ഷത്തോടെ വിജയിക്കുകയും ചെയ്ത പ്രദേശമാണ് കാര. 

മല്‍സരിച്ച ബ്രാഞ്ച് സെക്രട്ടറിയെ പിന്നീട് പാര്‍ട്ടിയില്‍ നിന്ന് പുറത്താക്കിയിരുന്നു. ഈ വിഷയത്തില്‍ പയ്യന്നൂരില്‍ വലിയ തോതിലുള്ള ചര്‍ച്ചകള്‍ നടക്കുന്നതിനിടെയാണ് കുഞ്ഞികൃഷ്ണന്‍ മറ്റൊരു വിവാദത്തിന് തിരികൊളുത്തിയത്. അതിന് പിന്തുണയുമായി കാരയിലെ പാര്‍ട്ടിക്കാരും ഉണ്ടെന്ന രീതിയിലാണ്  ഇവിടെ ഫ്ളക്സ് പ്രത്യക്ഷപ്പെട്ടിട്ടുള്ളത്.

A banner opposing V. Kunjikrishnan appeared in Payyannur, Kannur district, with the message “History belongs to fighters, not informers,” signed by “Payyannur comrades.” The banner was displayed at Suryanmukku on the Thayineri–Kunni Road.