കണ്ണൂര്‍: കണ്ണൂരില്‍ നടക്കുന്ന ചടയന്‍ ഗോവിന്ദന്‍ അനുസ്മരണ ചടങ്ങില്‍ നിന്ന് വിട്ടുനിന്ന് ഇ.പി. ജയരാജന്‍. മുന്‍ സംസ്ഥാന സെക്രട്ടറി ചടയന്‍ ഗോവിന്ദന്റെ ഓര്‍മദിനത്തില്‍ പുഷ്പാര്‍ച്ചനയില്‍ പി.ബി അംഗം എ വിജയരാഘവനൊപ്പം ഇ.പിയും പങ്കെടുക്കുമെന്നായിരുന്നു സി.പി.എം ജില്ലാ കമ്മിറ്റിയുടെ അറിയിപ്പ്. എന്നാല്‍ ഇപി എത്തിയില്ല. 

അതേസമയം., ചികിത്സയിലാണ്, അതൃപ്തി കൊണ്ടല്ല പരിപാടിയില്‍ ഇ.പി. പങ്കെടുക്കാത്തതെന്ന് സി.പി.എം കണ്ണൂര്‍ ജില്ലാ സെക്രട്ടറി എം.വി ജയരാജന്‍ പറഞ്ഞു. 

ജാവദേക്കറുമായുള്ള കൂടിക്കാഴ്ചയുടെ പേരില്‍ മാറ്റിയതിന് ശേഷം നടന്ന സംസ്ഥാന സെക്രട്ടറിയേറ്റ് യോഗത്തിലും ഇ.പി പങ്കെടുത്തിരുന്നില്ല. ആത്മകഥയെഴുതുമെന്നൊഴിച്ചാല്‍ ഒരു പ്രതികരണവും ഇ.പി ഇതുവരെ നടത്തിയിട്ടില്ല. 

നേരത്തെ പാര്‍ട്ടിയുടെ സംസ്ഥാന സെക്രട്ടറിയായി തെരഞ്ഞെടുക്കപ്പെടാത്തപ്പോഴും പി.ബി അംഗത്വം നിഷേധിക്കപ്പെട്ടപ്പോഴും ഇതേ നിലപാടായിരുന്നു ഇ.പി സ്വീകരിച്ചത്.