മാനന്തവാടി: ഓണക്കാലത്തും കര്‍ഷകരെ അവഗണിക്കുന്ന നടപടി അവസാനിപ്പിക്കണമെന്ന് എഫ്.ആര്‍.എഫ് ജില്ലാ ഭാരവാഹികള്‍ വാര്‍ത്താ സമ്മേളനത്തില്‍ ആവശ്യപ്പെട്ടു. ഓണാഘോഷത്തിന് സര്‍ക്കാര്‍ ജീവനക്കാര്‍ക്ക് ആനുകൂല്യങ്ങള്‍ വാരിക്കോരി നല്‍കുകയാണ്. കര്‍ഷകര്‍ക്ക് അഞ്ച് കിലോ അരി വരെ നല്‍കാനോ പ്രത്യേകിച്ച് ഓണക്കിറ്റുകള്‍ നല്‍കാനോ സര്‍ക്കാര്‍ തയാറാകുന്നില്ല. ഇത് വരെ മുടങ്ങി കിടക്കുന്ന മുഴുവന്‍ കര്‍ഷക പെന്‍ഷനുകള്‍ ഉടനടി വിതരണം ചെയ്യണം. കര്‍ഷകര്‍ക്കായി നല്‍കാനുള്ള വരള്‍ച്ചാ ദുരിതാശ്വാസ ഫണ്ടുകള്‍ ഉടനടി പുര്‍ത്തിയാക്കണമെന്നും തിരുവോണം ആഘോഷിക്കുന്നതിനായി പ്രത്യേകം കര്‍ഷക പാക്കേജുകള്‍ ഉടനടി നടപ്പില്‍ വരുത്തണമെന്നും ഭാരവാഹികള്‍ ആവശ്യപ്പെട്ടു. എന്‍.ജെ ചാക്കോ, എന്‍. മുകുന്ദന്‍, ടി. ഇബ്രാഹിം, വിദ്യാധരന്‍ വൈദ്യര്‍, ശരത്, ജയന്തി മാനന്തവാടി, എം.ടി റീന എന്നിവര്‍ പങ്കെടുത്തു.