ഗൂഡല്ലൂര്‍: വീടുകള്‍ കുത്തിത്തുറന്ന് സ്വര്‍ണവും പണവും അപഹരിച്ചു. മഞ്ചൂര്‍ഹട്ടി ഗ്രാമത്തിലെ അടുത്തടുത്ത നാലു വീടുകളിലാണ് കഴിഞ്ഞദിവസം രാത്രി മോഷണം നടന്നത്. പതിനഞ്ച് പവന്‍ സ്വര്‍ണവും രണ്ട് ലക്ഷം രൂപയുമാണ് മോഷ്ടാക്കള്‍ അപഹരിച്ചത്. സ്വദേശികളായ നടരാജന്‍, രാധാമണി, ആനന്ദ്, പാര്‍വതി എന്നിവരുടെ വീടുകളിലാണ് കവര്‍ച്ച നടന്നത്. വീട് കുത്തിത്തുറന്ന് വീട്ടിനുള്ളിലെ അലമാരയില്‍ സൂക്ഷിച്ചിരുന്ന സ്വര്‍ണവും പണവുമാണ് മോഷ്ടിച്ചത്.
വിവരമറിഞ്ഞ് ഊട്ടി റൂറല്‍ ഡിവൈ.എസ്.പി കുമാര്‍, മഞ്ചൂര്‍ സി.ഐ രാജ്കുമാര്‍, എസ്.ഐമാരായ ഹൈദരലി, സുബ്രഹ്മണ്യന്‍, ശ്രീധരന്‍ എന്നിവരുടെ നേതൃത്വത്തിലുള്ള സംഘവും വിരലടയാള വിദഗ്ധരും പരിശോധന നടത്തി. പൊലിസ് അന്വേഷണം ഊര്‍ജിതമക്കിയിട്ടുണ്ട്.