ഓൾഡ് ട്രാഫോഡ്: ബ്രസീലിയൻ സൂപ്പർതാരം ആന്റണി മാഞ്ചസ്റ്റർ യുണൈറ്റഡ് വിട്ടു. സ്പാനിഷ് ക്ലബ്ബ് റയൽ ബെറ്റിസിലേക്കാണ് ആന്റണി ചേക്കേറിയത്. മാഞ്ചസ്റ്റർ യുണൈറ്റഡിൽ നിന്നും ലോണിലാണ് താരം റയൽ ബെറ്റിസിലേക്ക് പോയത്.

മാഞ്ചസ്റ്റർ യുണൈറ്റഡിൽ ഈ സീസണിൽ സ്ഥിരതയാർന്ന പ്രകടനങ്ങൾ പുറത്തെടുക്കാൻ ആന്റണിക്ക് സാധിച്ചിരുന്നില്ല. അതുകൊണ്ട് തന്നെ താരത്തിന് പുതിയ ക്ലബിനൊപ്പം താരത്തിന് കൂടുതൽ മികച്ച പ്രകടനങ്ങൾ പുറത്തെടുക്കാൻ സാധിക്കുമെന്ന് പ്രതീക്ഷിക്കാം. 

2022ൽ അയാക്‌സിൽ നിന്നുമാണ് ആന്റണി മാഞ്ചസ്റ്റർ യുണൈറ്റഡിൽ എത്തിയത്.  97.3 മില്യൺ തുക നൽകിയാണ് ബ്രസീലിയൻ താരത്തെ റെഡ് ഡെവിൾസ് സ്വന്തമാക്കിയത്. മാഞ്ചസ്റ്റർ യൂണൈറ്റഡിനായി 95 മത്സരങ്ങളിലാണ് ആന്റണി കളത്തിലിറങ്ങിയത്. ഇതിൽ 12 ഗോളുകളും താരം നേടി. ഈ സീസണിൽ മൂന്ന് മത്സരങ്ങളിൽ മാത്രമാണ് ആന്റണിക്ക് ആദ്യ ഇലവനിൽ ഇടം നേടാൻ സാധിച്ചിട്ടുള്ളത്.