പൊതുഗതാഗതത്തെയാണ് നാം ജീവിതത്തില്‍ കൂടുതലും ആശ്രയിക്കുക. അതില്‍ പ്രധാനപ്പെട്ടത് തന്നെയാണ് റെയില്‍വേ ഗതാഗതം. ഇന്ത്യയില്‍ 7460ല്‍ അധികം റെയില്‍വേ സ്റ്റേഷനുകളും വിവിധ നഗരങ്ങളിലായി 500ല്‍ അധികം മെട്രോ സ്‌റ്റേഷനുകളുമുണ്ട്.  യാത്രക്കായ് സ്റ്റേഷനിലേക്കു വരുന്നവര്‍ ഇവിടെയൊക്കെ പലതരത്തിലുള്ള സൈന്‍ ബോര്‍ഡുകള്‍ കാണാറുണ്ട്. എന്നാല്‍ ഇവയൊക്കെ എന്തിനെയാണ് സൂചിപ്പിക്കുന്നത് എന്ന് മനസിലാക്കുന്നവര്‍ വളരെ കുറവായിരിക്കും. 

ഇങ്ങനെ റെയില്‍വേ സേറ്റേഷനുകളിലും മെട്രോ സ്‌റ്റേഷനുകളിലും എത്തുന്നവര്‍ കാണുന്ന സ്ഥിരം കാഴ്ചയാണ് മഞ്ഞനിറത്തിലുള്ള ടൈലുകള്‍. അതും പ്ലാറ്റ്‌ഫോമുകളിലെ ചില പ്രത്യേക ഭാഗത്ത് വിവിധ തരത്തിലുള്ള മഞ്ഞ ടൈലുകള്‍ ഇട്ടിരിക്കുന്നത് നമുക്കു കാണാം. എന്തിനാണ് ഇത്തരത്തില്‍ ചിലഭാഗങ്ങളില്‍ മഞ്ഞ ടൈലുകള്‍ ഇട്ടിരിക്കുന്നത് എന്ന് എപ്പോഴെങ്കിലും ചിന്തിച്ചിട്ടുണ്ടോ?  ചിലര്‍ ചിന്തിക്കുന്നത് പ്ലാറ്റ്‌ഫോം കൂടുതല്‍ സുന്ദരമാക്കാന്‍ വേണ്ടിയാകുമെന്നായിരിക്കും. എന്താണ് ഇതിന്റെ പ്രാധാന്യം. 

പ്ലാറ്റ്‌ഫോമുകളിലെ മഞ്ഞ ടൈലുകള്‍ സ്ഥാപിക്കുന്നത് സുരക്ഷാക്രമീകരണത്തിന്റെ ഭാഗമായാണ്. ഇത് കാഴ്ചവൈകല്യങ്ങള്‍ ഉള്ളവര്‍ക്ക് യാത്ര ചെയ്യാന്‍ കൂടുതല്‍ ആത്മവിശ്വാസവും സ്വാതന്ത്ര്യവും നല്‍കും. മഞ്ഞ ടൈലുകള്‍ ഒരു ലൈഫ്‌ലൈനായിട്ടാണ് ഉപയോഗിക്കുന്നത്. ഇവയെ ടെന്‍ജി ബ്ലോക്കുകള്‍ അല്ലെങ്കില്‍ ബ്രെയിന്‍ ടൈലുകള്‍ എന്നും വിളിക്കാറുണ്ട്.

കാഴ്ചയില്ലാത്തവര്‍ക്കും കാഴ്ച കുറവുള്ളവരുമായ കാല്‍നടയാത്രക്കാരെ സഹായിക്കാനുമായിരുന്നു ആദ്യകാലങ്ങളില്‍ ഈ ടൈലുകള്‍ പൊതുയിടങ്ങളില്‍ സ്ഥാപിച്ചത്. 1967ല്‍ ജപ്പാന്‍കാരനായ സെയ്ച്ചി മിയാകെയാണ് ഈ സംവിധാനം കൊണ്ടുവന്നത്. ജപ്പാനിലെ ഒകയാമ സിറ്റിയിലാണ് ആദ്യമായി സ്പര്‍ശനത്തിലൂടെ മനസിലാക്കാന്‍ സഹായിക്കുന്ന ടൈലുകള്‍ പാകിയത്. ഇന്ന് ലോകമൊട്ടാകെയുള്ള രാജ്യങ്ങളിലും ഇതു നടപ്പാക്കിവരുന്നുണ്ട്. 

റെയില്‍വേ പ്ലാറ്റ്‌ഫോമുകളില്‍ പ്രധാനമായും രണ്ട് തരത്തിലുളള മഞ്ഞ ടൈലുകളാണ് ഉണ്ടാവുക. കുത്തുകള്‍ ഉയര്‍ന്നു നില്‍ക്കുന്ന മഞ്ഞടൈലുകളും നീണ്ടവരകളുള്ള മഞ്ഞടൈലുകളും ആണ് ഇട്ടിരിക്കുക. കുത്തുകള്‍ ഉയര്‍ന്നു നില്‍ക്കുന്ന മഞ്ഞ ടൈലുകള്‍ ജാഗ്രതാ മേഖലകളെയാണ് സൂചിപ്പിക്കുന്നത്. ഇവ പ്രധാനമായും പ്ലാറ്റ്‌ഫോമിന്റെ അരികുകള്‍, എസ്‌കലേറ്ററുകള്‍, പടികള്‍ എന്നിയ്ക്കടുത്താണ് സ്ഥാപിക്കുന്നത്.

വടി ഉപയോഗിച്ചു നടക്കുന്ന വ്യക്തികള്‍ക്ക് ഈ ഉയര്‍ന്ന കുത്തുകള്‍ പെട്ടെന്ന് മനസിലാക്കാന്‍ സാധിക്കും. നീളമുള്ള വരകളുള്ള മഞ്ഞ ടൈലുകള്‍ കാഴ്ചാവൈകല്യമുള്ളയാളുകള്‍ക്ക് നേരായ ദിശയില്‍ നടക്കാന്‍ സഹായിക്കുകയും ചെയ്യും. ഇവ പ്രധാനമായും എക്‌സിറ്റുകള്‍, ടിക്കറ്റ് കൗണ്ടറുകള്‍, എന്നിവയിലേക്കാണ് നയിക്കുക. 

മഞ്ഞ ടൈലുകള്‍ ഉയര്‍ന്നതും പ്രത്യേക ടെക്‌സചറുള്ളതുമാണ്. കാനുകള്‍ അല്ലെങ്കില്‍ കാല്‍നടയായി സഞ്ചരിക്കുന്ന വ്യക്തികള്‍ക്ക് സ്പര്‍ശനത്തിന്റെ സഹായത്തോടെ മുന്നോട്ടുള്ള ദിശയും ജാഗ്രതാ മേഖലയും തിരിച്ചറിയാന്‍ സഹായിക്കും.
സ്‌ട്രൈറ്റ് ലൈന്‍ സഞ്ചരിക്കാനുള്ള ദിശകാണിക്കാനും ഡോട്ടുകള്‍ മുന്നറിയിപ്പ് അതിരുകള്‍ സൂചിപ്പിക്കാനും
നമ്മള്‍ മഞ്ഞ ടൈലുകള്‍ക്കു മുകളില്‍ നില്‍ക്കുന്നത് ഒഴിവാക്കുക. പ്രത്യേകിച്ച് ട്രെയിന്‍ എത്തിയാല്‍. കാഴ്ചാശക്തി ഇല്ലാത്തവര്‍ക്ക് ഈ ടൈലുകള്‍ ഉപയോഗിക്കാന്‍ സഹായിക്കുക. 
ഇപ്പോ മനസിലായില്ലേ മഞ്ഞ നിറത്തിലുള്ള ടൈലുകള്‍ അലങ്കാരത്തിനുള്ളതല്ല എന്നും ഇതൊരു സുരക്ഷാസംവിധാനമാണെന്നും.