സലാല: കൊല്ലം സ്വദേശിയായ യുവാവിനെ ഒമാനിലെ സലാലയില്‍ താമസസ്ഥലത്ത് മരിച്ച നിലയില്‍ കണ്ടെത്തി. ത്രിക്കരുവ കാഞ്ഞവേലി നമ്പിനഴിക്കത്ത് തെക്കേതില്‍ ഉണ്ണികൃഷ്ണന്‍ നായർ (36) ആണ് മരിച്ചത്.

 കൂടെ താമസിക്കുന്നവര്‍ ജോലി കഴിഞ്ഞ് തിരികെയെത്തിയപ്പോള്‍ തൂങ്ങിമരിച്ച നിലയില്‍ കണ്ടെത്തുകയായിരുന്നുവെന്നാണ് ബന്ധുക്കൾക്ക് ലഭിച്ച വിവരം. 

ആറ് വര്‍ഷമായി മസ്‌കത്തിലെ സ്വകാര്യ കമ്പനിയില്‍ ജോലി ചെയ്യുന്ന ഉണ്ണികൃഷ്ണന്‍ നായര ബാങ്കിന്റെ മെയിന്റനന്‍സ് ജോലിക്കായി രണ്ട് മാസം മുൻപാണ് സലാലയിലെത്തിയത്. റോയല്‍ ഒമാന്‍ പൊലീസ് സ്ഥലത്തെത്തി തുടര്‍ നടപടികള്‍ സ്വീകരിച്ചു. പിതാവ്: പരേതനായ കൃഷ്ണന്‍ നായര്‍. മാതാവ്: വിജയമ്മ. മൃതദേഹം നിലവിൽ സുല്‍ത്താന്‍ ഖാബൂസ് ആശുപത്രിയില്‍ ആണ് ഉള്ളത്. നിയമനടപടികള്‍ പൂര്‍ത്തീകരിച്ച് നാട്ടില്‍ എത്തിച്ചു സംസ്കരിക്കും. 

Malayali youth found dead in Oman's Salalah