മലപ്പുറം: മലപ്പുറത്ത് മരിച്ച നിപ സമ്പര്‍ക്കപ്പട്ടികയില്‍ ഉള്‍പ്പെട്ട സ്ത്രീയുടെ പരിശോധന ഫലം നെഗറ്റീവ്. പരപ്പനങ്ങാടി സ്വദേശിയായ 78 കാരിയുടെ നിപ പരിശോധന ഫലമാണ് നെഗറ്റീവായത്. സമ്പര്‍ക്കപ്പട്ടികയില്‍ ഉള്‍പ്പെട്ട വ്യക്തിയായതിനാല്‍ ഇവരുടെ സംസ്‌കാര നടപടികള്‍ ആരോഗ്യവകുപ്പ് തടഞ്ഞിരുന്നു. 

പരിശോധന ഫലം വന്നതിന് ശേഷം മാത്രമേ ചടങ്ങളുകള്‍ നടത്താന്‍ അനുവദിക്കുകയുള്ളുവെന്നാണ് ആരോഗ്യവകുപ്പ് നിര്‍ദേശം നല്‍കിയത്. മങ്കടയിൽ നിപ ബാധിച്ച് മരിച്ച പെൺകുട്ടിയോടൊപ്പം ഇവരും ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിലുണ്ടായിരുന്നു.

ALSO READ: മഹാരാഷ്ട്രയിൽ സ്കൂളിൽ ആർത്തവത്തിന്റെ പേരിൽ പെൺകുട്ടികളെ വിവസ്ത്രരാക്കി പരിശോധന: പ്രിൻസിപ്പലും ജീവനക്കാരനും അറസ്റ്റിൽ

നിലവിൽ മലപ്പുറം ജില്ലയിൽ നിപ സമ്പർക്ക പട്ടികയിൽ 241 പേർ നിരീക്ഷണത്തിലാണ്. ഇതിൽ 12 പേർ ചികിത്സയിൽ കഴിയുന്നു, അവരിൽ അഞ്ചു പേർ ഐസിയുവിലാണ്. സംസ്ഥാനത്താകെ 383 പേർ നിപ സമ്പർക്ക പട്ടികയിൽ ഉൾപ്പെട്ടിട്ടുണ്ട്. മലപ്പുറത്തിനു പുറമേ, പാലക്കാട് ജില്ലയിൽ നിപ സമ്പർക്ക പട്ടികയിൽ 142 പേർ നിരീക്ഷണത്തിലാണ്.

സമ്പർക്ക പട്ടികയിലുള്ളവരിൽ 94 പേർ കോഴിക്കോട് ജില്ലയിലും, രണ്ടു പേർ എറണാകുളം ജില്ലയിലും നിരീക്ഷണത്തിൽ കഴിയുന്നു. പാലക്കാട് നാലു പേർ ഐസൊലേഷൻ വാർഡിൽ ചികിത്സയിലാണ്. ആരോഗ്യ വകുപ്പ് വീടുകളിൽ സന്ദർശനവും പനി നിരീക്ഷണവും നടത്തിവരുന്നു. ഐസൊലേഷനിലുള്ളവർക്ക് ഫോൺ വഴി മാനസിക പിന്തുണ നൽകുന്നുണ്ട്.

രോഗികളുടെ എണ്ണം വർധിക്കാനുള്ള സാധ്യത കണക്കിലെടുത്ത്, ജില്ലകളിൽ അധിക ഐ.സി.യു, ഐസൊലേഷൻ സൗകര്യങ്ങൾ ഒരുക്കിയിട്ടുണ്ട്.

Nipah test result of the woman included in the contact list of the deceased Nipah case in Malappuram has returned negative. The 78-year-old woman, a native of Parappanangadi, tested negative for Nipah virus.