മലപ്പുറം: വളാഞ്ചേരിയിൽ പ്ലസ് ടു വിദ്യാർത്ഥിക്ക് ക്രൂരമായ മർദനമേറ്റതായി പരാതി. ഇരിമ്പിളിയം ജി.എച്ച്.എസ്.എസ്സിലെ വിദ്യാർഥി റഷീദിനാണ് മർദ്ദനത്തിൽ ഗുരുതര പരുക്കേറ്റത്. പത്തോളം വിദ്യാർത്ഥികൾ ചേർന്ന് റഷീദിനെ വീട്ടിൽ നിന്ന് വിളിച്ചിറക്കി മർദ്ദിച്ചുവെന്നാണ് കുടുംബം ആരോപിക്കുന്നത്. ഇരുമ്പ് വടി ഉൾപ്പെടെയുള്ള ആയുധങ്ങൾ ഉപയോഗിച്ചാണ് ആക്രമണം നടത്തിയതെന്നും പരാതിയിൽ പറയുന്നു.

മർദ്ദനത്തിൽ റഷീദിന്റെ കണ്ണിനും ശരീരത്തിന്റെ വിവിധ ഭാഗങ്ങൾക്കും സാരമായ പരുക്കേറ്റിട്ടുണ്ട്. വിദ്യാർഥിയെ വളാഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. നിലവിൽ റഷീദ് ചികിത്സയിൽ തുടരുകയാണ്.

ALSO READ: കാട്ടുപോത്ത് കുറുകെ ചാടി; നിയന്ത്രണം നഷ്ടപ്പെട്ട് ജീപ്പ് മതിലിലിടിച്ച് അപകടം; കുട്ടികൾ ഉൾപ്പെടെ അഞ്ചുപേർക്ക് പരുക്ക്

സംഭവവുമായി ബന്ധപ്പെട്ട് വളാഞ്ചേരി പൊലിസ് അന്വേഷണം ആരംഭിച്ചു. വ്യക്തിപരമായ വൈരാഗ്യമാണ് ആക്രമണത്തിന് കാരണമെന്നാണ് പ്രാഥമിക നിഗമനം. പ്രതികളായ വിദ്യാർത്ഥികളെക്കുറിച്ചുള്ള വിവരങ്ങൾ ശേഖരിച്ച് അന്വേഷണം പുരോഗമിക്കുകയാണെന്ന് പൊലിസ് അറിയിച്ചു.

വിദ്യാർത്ഥികൾക്കിടയിലെ അക്രമ സംഭവങ്ങൾ ജില്ലയിൽ ആവർത്തിക്കപ്പെടുന്നതായി റിപ്പോർട്ടുകൾ സൂചിപ്പിക്കുന്നു. ഇത്തരം സംഭവങ്ങൾ തടയുന്നതിന് അധികൃതർ കർശന നടപടികൾ സ്വീകരിക്കണമെന്ന് നാട്ടുകാർ ആവശ്യപ്പെട്ടു.

ALSO READ: മദ്യലഹരിയിൽ സൈനികൻ കാർ റെയിൽവേ പ്ലാറ്റ്‌ഫോമിലേക്ക് ഓടിച്ചുകയറ്റി; ​ഗുരുതര സുരക്ഷാ വീഴ്ച

In Valanchery, a Plus Two student was brutally assaulted, allegedly by a group of around ten people. The victim's family claims he was lured out of his home and attacked. A complaint has been filed against the accused, and the incident has raised concerns about local safety