അബൂദബി: വിദ്യാർഥികളെ രോഗങ്ങളിൽ നിന്ന് സംരക്ഷിക്കാനും രോഗ വ്യാപനം തടയാനുമുള്ള പ്രധാന മുൻകരുതലുകൾ വിവരിക്കുന്ന ഒരു പുതിയ സ്കൂൾ ഹെൽത്ത് ഗൈഡ് പ്രസിദ്ധീകരിച്ചിരിക്കുയാണ് എമിറേറ്റ്സ് ഹെൽത്ത് സർവിസസ് (ഇഎച്ച്എസ്).

ഗൈഡിൽ ആറ് പ്രധാന മുൻകരുതലുകളാണ് ഉൾപ്പെടുത്തിയിട്ടുള്ളത്. സോപ്പും വെള്ളവും ഉപയോഗിച്ച് ഇടയ്ക്കിടെ കൈകൾ കഴുകുക, പ്രത്യേകിച്ച് ഭക്ഷണം കഴിക്കുന്നതിന് മുമ്പും ശുചിമുറി ഉപയോഗിച്ചതിന് ശേഷവും, ചുമയ്ക്കുമ്പോൾ കഴുകാത്ത കൈകൾ കൊണ്ട് മുഖം തൊടുന്നത് ഒഴിവാക്കുക, ചുമയ്ക്കുമ്പോൾ ടിഷ്യു അല്ലെങ്കിൽ കൈമുട്ട് ഉപയോഗിച്ച് മൂക്കും വായും മൂടുക. രോഗികളായ സഹപാഠികളുമായി അടുത്തിടപഴകുന്നത് ഒഴിവാക്കാനും, രോഗലക്ഷണങ്ങൾ ഉണ്ടെങ്കിൽ വീട്ടിൽ തങ്ങാനും, പതിവായി തൊടുന്ന പ്രതലങ്ങൾ വൃത്തിയാക്കാനും വിദ്യാർത്ഥികൾക്ക് ഇഎച്ച്എസ് നിർദേശം നൽകി. 

ALSO READ: ഗാർഹിക തൊഴിലാളികളുടെ വിസ പരിശോധന; പുതിയ ഡിജിറ്റൽ സേവനവുമായി കുവൈത്ത്

സ്കൂളുകളിൽ സാധാരണയായി കാണപ്പെടുന്ന ആസ്മ, ഗുരുതരമായ അലർജി, ടൈപ്പ് 1 ഡയബറ്റിസ് തുടങ്ങിയ മൂന്ന് ആരോഗ്യ പ്രശ്നങ്ങളെയും ​ഗൈഡ് അബിസംബോധന ചെയ്യുന്നു.

രക്ഷിതാക്കൾ, അധ്യാപകർ, ജീവനക്കാർ എന്നിവർക്കുള്ള മാർഗനിർദേശങ്ങങ്ങളും ​ഗൈഡിലുണ്ട്. ആസ്മ ബാധിതരായ കുട്ടികൾ ചികിത്സാ പദ്ധതിയും മരുന്നുകളും കൃത്യമായി പാലിക്കണം; അലർജിയുള്ള വിദ്യാർഥികൾ എപിനെഫ്രിൻ ഓട്ടോ-ഇൻജക്ടർ കൈവശം വയ്ക്കണം, ജീവനക്കാർ ഇത് ഉപയോ​ഗിക്കാൻ പരിശീലനം നേടണം; ഡയബറ്റിസ് ബാധിതരായ കുട്ടികൾക്ക് സൂക്ഷ്മനിരീക്ഷണം, അടിയന്തര പ്രവർത്തന പദ്ധതി, മെഡിക്കൽ ബ്രേസ്ലെറ്റ് പോലുള്ള തിരിച്ചറിയൽ അടയാളങ്ങൾ എന്നിവ ആവശ്യമാണ്.

വേനൽക്കാലത്തെ ഔട്ട്ഡോർ പ്രവർത്തനങ്ങളിൽ പ്രത്യേകിച്ച് ശ്രദ്ധിക്കേണ്ട, ഡീഹൈഡ്രേഷൻ, ക്ഷീണം, സൂര്യാഘാതം തുടങ്ങിയ ചൂടുമായി ബന്ധപ്പെട്ട രോഗങ്ങളെക്കുറിച്ചും ഗൈഡ് മുന്നറിയിപ്പ് നൽകുന്നു. വിദ്യാർഥികളെ അധ്യാപകരും ജീവനക്കാരും സൂക്ഷ്മമായി നിരീക്ഷിക്കണമെന്നും, ലക്ഷണങ്ങൾ പ്രകടമാകുമ്പോൾ ഉടൻ വൈദ്യസഹായം തേടണമെന്നും നിർദേശിക്കുന്നു.

ALSO READ: ഫർവാനിയ ഗവർണറേറ്റിലെ ദജീജിൽ സുരക്ഷാ പരിശോധനയുമായി ആഭ്യന്തരമന്ത്രാലയം; 63 പേർ അറസ്റ്റിൽ

സ്കൂൾ ആരോഗ്യ സംവിധാനങ്ങൾ ശക്തിപ്പെടുത്തുന്നതിനുള്ള ഇഎച്ച്എസിന്റെ ശ്രമങ്ങളുടെ ഭാഗമാണ് ഈ നടപടി. നിലവിൽ, 312 സർക്കാർ സ്കൂളുകളും 333 സ്കൂൾ ക്ലിനിക്കുകളും, യുഎഇയിലെ ഏഴ് പുതിയ സായിദ് വിദ്യാഭ്യാസ കോംപ്ലക്സുകൾക്കായുള്ള നഴ്സിംഗ് ജീവനക്കാരും ഇഎച്ച്എസ് മേൽനോട്ടം വഹിക്കുന്നു.

വാർഷിക ആരോഗ്യ പരിശോധനകൾ, ദേശീയ വാക്സിനേഷൻ പരിപാടി, ഓറൽ ഹെൽത്ത് പരിശോധനകൾ, മാനസികാരോഗ്യ നിരീക്ഷണം, അവബോധ സെഷനുകൾ, അടിയന്തര പ്രതികരണം തുടങ്ങിയ പ്രവർത്തനങ്ങളാണ് ഇവയിൽ ഉൾപ്പെടുന്നത്.

2025-ൽ സർക്കാർ സ്‌കൂൾ നഴ്‌സിംഗ് ജീവനക്കാർക്കിടയിൽ സ്വദേശിവൽക്കരണം മൊത്തം ക്ലിനിക് ജീവനക്കാരുടെ 12.5 ശതമാനം ​​എത്തിയതായി  ഇഎച്ച്എസ് വ്യക്തമാക്കി.

The Emirates Health Services (EHS) has introduced a new school health guide outlining key preventive measures to safeguard students from illnesses and limit disease transmission. The guide emphasizes six main precautions