റിയാദ് : അനധികൃത ഗതാഗതത്തിന് കർശന ശിക്ഷകൾ പ്രഖ്യാപിച്ചു സൗദി അറേബ്യയുടെ ട്രാൻസ്പോർട്ട് ജനറൽ അതോറിറ്റി (TGA). ലൈസൻസില്ലാതെ നിരത്തിൽ ഇറങ്ങുന്നവർക്ക്  കർശന ശിക്ഷകൾ ഉണ്ടാകുമെന്നും  കുറ്റക്കാരാണെന്ന് കണ്ടെത്തിയാൽ നിയമലംഘകർക്കെതിരെ കനത്ത പിഴ ചുമത്തുമെന്നും അതോറിറ്റി  പ്രസ്താവനയിൽ പറഞ്ഞു.

റോഡുകളിൽ യാത്രക്കാരെ വിളിക്കുകയോ ലൈസൻസില്ലാതെ ഗതാഗത സേവനങ്ങൾ നടത്തുകയോ ചെയ്യുന്നതുപോലുള്ള പ്രവർത്തനങ്ങളിൽ ഏർപ്പെടുന്ന വ്യക്തികളുടെ പെരുമാറ്റത്തെ റോഡ് ഗതാഗത നിയമം വ്യക്തമായ കുറ്റകരമായിട്ടാണ് കാണുന്നത്.   നിയമലംഘനങ്ങൾക്ക് സാധ്യതയുള്ള പ്രദേശങ്ങളിൽ വിന്യസിച്ചിരിക്കുന്ന 24/7 ഫീൽഡ് പരിശോധനാ സംഘങ്ങളെ രൂപീകരിച്ചിട്ടുണ്ട്. ലംഘനത്തിന്റെ തീവ്രതയനുസരിച്ച് ഒരു വാഹനം 60 ദിവസം വരെ പിടിച്ചെടുക്കാവുന്നതാണ്. എല്ലാ പിഴകളും ഫീസുകളും അടച്ച്, എല്ലാ നിയന്ത്രണ ആവശ്യകതകളും പാലിച്ച് ലംഘനം പരിഹരിച്ച ശേഷം വാഹനം ഉടമയ്ക്ക് വിട്ടുകൊടുക്കും- ടിജിഎയിലെ മീഡിയ റിലേഷൻസ് ഓഫീസർ ബന്ദർ അൽ-ജദായെ ഉദ്ധരിച്ച് സൗദി ഗസറ്റ് റിപ്പോർട്ട് ചെയ്തു.

Saudi Arabia enforces tough penalties for unauthorised transport