വാഷിങ്ടണ്‍: അറസ്റ്റ് ഭയന്ന് യു.എസ് യാത്രയുടെ റൂട്ട് മാറ്റി ഇസ്‌റാഈല്‍ പ്രധാനമന്ത്രി നെതന്യാഹു. അന്താരാഷ്ട്ര നീതിന്യായ കോടതിയുടെ (ഐ.സി.സി) അറസ്റ്റ് വാറണ്ട് നിലനില്‍ക്കുന്ന സാഹചര്യത്തിലാണ് റൂട്ട് മാറ്റാനുള്ള നെതന്യാഹുവിന്റെ തീരുമാനം. യുറോപ്യന്‍ രാജ്യങ്ങളെ പരമാവധി ഒഴിവാക്കിയായിരുന്നു നെതന്യാഹുവിന്റെ യു.എസിലേക്കുള്ള യാത്ര. 

ഐ.സി.സിയുമായി കരാര്‍ ഒപ്പിട്ടുള്ള രാജ്യങ്ങളെ ഒഴിവാക്കിയായിരുന്നു നെതന്യാഹുവിന്റെ യാത്ര. നെതന്യാഹു തങ്ങളുടെ അതിര്‍ത്തിയില്‍ കടന്നാല്‍ അറസ്റ്റ് ചെയ്യുമെന്ന് അന്താരാഷ്ട്ര നീതിന്യായ കോടതിയുമായി കരാറുള്ള നിരവധി യുറോപ്യന്‍ രാജ്യങ്ങള്‍ നേരത്തെ വ്യക്തമാക്കിയിരുന്നു. ഇത് മുന്നില്‍കണ്ടാണ് റൂട്ട് മാറ്റിപ്പിടിക്കാന്‍ നെതന്യാഹു തീരുമാനിച്ചത്. 

ALSO READ: ഫലസ്തീന്‍ രാഷ്ട്രത്തെ അംഗീകരിക്കാന്‍ തയാറെന്ന് ഇറ്റലി; പക്ഷേ ഈ വ്യവസ്ഥകള്‍ പാലിക്കണം

ഗ്രീസിനും ഇറ്റലിക്കും സമീപത്ത് കൂടി പറന്ന നെതന്യാഹുവിന്റെ വിമാനം മെഡിറ്റനേറിയന്‍ കടന്ന അറ്റ്‌ലാന്റിക് സമുദ്രത്തിലൂടെ ജിബ്രാള്‍ട്ടര്‍ കടലിടുക്കിലേക്ക് പ്രവേശിക്കുകയായിരുന്നു. സാധാരണയായി ഫ്രഞ്ച് വ്യോമാതിര്‍ത്തി ഉള്‍പ്പെടെ മധ്യ യൂറോപ്പിലൂടെയാണ്  അമേരിക്കയിലേക്കുള്ള ഇസ്‌റാഈലി വിമാനങ്ങള്‍ സഞ്ചരിച്ചിരുന്നുത്. ഇത്തവണ ഏകദേശം 373 മൈല്‍ (600 കിലോമീറ്റര്‍) അദികദൂരം  യാത്ര ചെയ്യേണ്ടി വന്നതായി വ്യോമയാന വിദഗ്ധര്‍ വ്യക്തമാക്കി. 

2024 നവംബറിലാണ് അന്താരാഷ്ട്ര ക്രിമിനല്‍ കോടതി നെതന്യാഹുവിനും അദ്ദേഹത്തിന്റെ മുന്‍ പ്രതിരോധ മന്ത്രി യോവ് ഗാലന്റിനും ഗസ്സയിലെ യുദ്ധക്കുറ്റങ്ങളും മനുഷ്യരാശിക്കെതിരായ കുറ്റകൃത്യങ്ങളും ആരോപിച്ച് അറസ്റ്റ് വാറണ്ടുകള്‍ പുറപ്പെടുവിച്ചത്. തങ്ങളുടെ അതിര്‍ത്തി കടന്നാല്‍ നെതന്യാഹുവിനെ അറസ്റ്റ് ചെയ്യുമെന്ന് അയര്‍ലാന്‍ഡ് പരസ്യമായി പ്രഖ്യാപിച്ചിരുന്നു. അന്വേഷണവുമായി സഹകരിക്കുമെന്ന നിലപാട് സ്‌പെയിനും അറിയിച്ചിരുന്നു. അതേസമം, അറസ്റ്റ് ചെയ്യില്ലെന്ന നിലപാടാണ് ഫ്രാന്‍സ് സ്വീകരിച്ചിരുന്നത്. ഇത്തരമൊരു നീക്കം പ്രായോഗികമാണോ എന്നാണ് അന്ന് ഇറ്റലി പ്രതികരിച്ചത്. അതേസമയം അറസ്റ്റ് പേടിച്ചാണ് വഴിമാറ്റിയതെന്ന വാര്‍ത്തകള്‍ ഇസ്‌റാഈല്‍ നിഷേധിച്ചു. 

ALSO READ: ഫലസ്തീനികളുടെ ഫോണ്‍കോളുകള്‍ കൂട്ടത്തോടെ ചോര്‍ത്തുന്നു, നിരീക്ഷണമെന്ന പേരില്‍ ദുരുപയോഗം; ഇസ്‌റാഈല്‍ സൈന്യത്തിന് നല്‍കിയിരുന്നു ചില സേവനങ്ങള്‍ നിര്‍ത്തലാക്കി മൈക്രോസോഫ്റ്റ് 

ഐക്യരാഷ്ട്രസഭയില്‍ സംസാരിക്കുന്നതിനും വൈറ്റ് ഹൗസില്‍ യുഎസ് പ്രസിഡന്റ് ഡൊണാള്‍ഡ് ട്രംപുമായി കൂടിക്കാഴ്ച നടത്തുന്നതിനും വേണ്ടിയാണ് വ്യാഴാഴ്ച പുലര്‍ച്ചെ നെതന്യാഹു അമേരിക്കയിലേക്ക് പറന്നത്. ഫലസ്തീന്‍ രാഷ്ട്രത്തെ അംഗീകരിച്ച രാജ്യങ്ങളുടെ നേതാക്കളെ കുറ്റപ്പെടുത്തുമെന്ന് യാത്ര തിരിക്കുന്നതിന് മുമ്പ് തെല്‍ അവിവിലെ ബെന്‍ ഗുരിയോണ്‍ വിമാനത്താവളത്തില്‍ മാധ്യമപ്രവര്‍ത്തകരോട് സംസാരിച്ച നെതന്യാഹു വ്യക്തമാക്കിയിരുന്നു.

ALSO READ: 'ഞങ്ങളുടെ മണ്ണുവിട്ട് ഞങ്ങള്‍ പോകില്ല, സ്വാതന്ത്രത്തിന്റെ പുലരി ഉദയംകൊള്ളുക തന്നെ ചെയ്യും' : മഹ്‌മൂദ് അബ്ബാസ്

ഫ്രാന്‍സ്, യുകെ, കാനഡ, ആസ്‌ത്രേലിയ, ബെല്‍ജിയം എന്നിവയുള്‍പ്പെടെയുള്ള രാജ്യങ്ങളാണ് അടുത്തിടെ ഫലസ്തീന്‍ രാഷ്ട്രത്തെ അംഗീകരിച്ചത്. ഇതോടെ ഐക്യരാഷ്ട്രസഭയിലെ 193 അംഗരാജ്യങ്ങളില്‍  159 പേര്‍ ഫലസ്തീന്‍ രാഷ്ട്രത്തെ അംഗീകരിച്ചിട്ടുണ്ട്.

ALSO READ: 'ഇവിടെ കാല് കുത്തിയാൽ നെതന്യാഹുവിനെ അറസ്റ്റ് ചെയ്യും'; ന്യൂയോർക്ക് മേയർ സ്ഥാനാർത്ഥി സൊഹ്‌റാൻ മംദാനി

israeli prime minister benjamin netanyahu changed his travel route to the us, avoiding several european countries due to the risk of arrest under the icc warrant. the move highlights rising international pressure on israel's leadership.