ടെല്‍ അവീവ്: ഫലസ്തീന്‍ തടവുകാരെ വധിക്കാനുള്ള ബില്ലിന് അംഗീകാരം നല്‍കി ഇസ്‌റാഈല്‍ സെനറ്റ്. ശക്തമായ പ്രതിരോധം തീര്‍ക്കുന്നതിനും തടവുകാര്‍ക്ക് വധശിക്ഷ നല്‍കുന്നതിനും ഈ നിയമം ഇപ്പോള്‍ അനിവാര്യമാണെന്ന് ഇസ്‌റാഈല്‍ ദേശീയ സുരക്ഷാ മന്ത്രി ഇറ്റാമെര്‍ ബെന്‍ഗ്വിന്‍ പറഞ്ഞു.

ഇസ്‌റാഈല്‍ പ്രധാനമന്ത്രി ബെഞ്ചമിന്‍ നെതന്യാഹുവും ബന്ദികള്‍ക്കായുള്ള നെതന്യാഹുവിന്റെ ദൂതന്‍ ഗാല്‍ ഹിര്‍ഷും സുരക്ഷാ മന്ത്രിസഭയില്‍ മാത്രം ചര്‍ച്ചകള്‍ നടത്താന്‍ നീക്കം നടത്തിയിരുന്നു. എന്നാല്‍ കമ്മിച്ചി സെഷനുമായി മുന്നോട്ടു പോവുകയായിരുന്നു. സെനറ്റിലെ പ്രതിപക്ഷ അംഗങ്ങള്‍ നീക്കത്തെ നിയമവിരുദ്ധമെന്ന് വിശേഷിപ്പിച്ചു. ബില്ല് ആദ്യ വായനക്കായി സെനറ്റ് പ്ലീനത്തിലേക്ക് പോകും. 

ALSO READ: 'കാറ്റും കടലും കൊലവിളികളും ഞങ്ങളെ തടഞ്ഞില്ല' ഏതാനും മൈലുകള്‍ കൂടി...ഗസ്സന്‍ ജനതക്ക് സ്‌നേഹവും പ്രതീക്ഷയുമായി തീരം തൊടാന്‍ ഫ്ലോട്ടില്ലകള്‍ 

2022 അവസാനത്തോടെ നെതന്യാഹുവിന്റെ അധികാരത്തില്‍ ഏറാന്‍ വേണ്ടി നെതന്യാഹുവിന്റെ ലികുഡ് പാര്‍ട്ടിയും ബെന്‍ഗ്വീറിന്റെ ഒട്‌സ്മ യെഹൂദിറ്റും ചേര്‍ന്ന് സഖ്യം രൂപീകരിക്കുന്നതിനായി ഒപ്പുവെച്ച കരാറുകളുടെ ഭാഗമാണ് ഈ ബില്ല്. 

അതേസമയം ഗസ്സയിലെ വംശഹത്യ അവസാനിപ്പിക്കാന്‍ ഡോണള്‍ഡ് ട്രംപുമായുള്ള ബെഞ്ചമിന്‍ നെതന്യാഹുവിന്റെ ഏറെ നിര്‍ണായകമായ ചര്‍ച്ച ഇന്ന് വൈറ്റ് ഹൗസില്‍ വെച്ച് നടക്കും. ഗസ്സയിലെ ഇസ്‌റാഈല്‍ ആക്രമണം അവസാനിപ്പിക്കാന്‍ ലക്ഷ്യമിട്ട് ട്രംപ് മുന്നോട്ട് വെച്ച 21 ഇന പദ്ധതിയാകും പ്രധാന ചര്‍ച്ചാ വിഷയം. ഗസ്സയില്‍ ഗവര്‍ണര്‍ ജനറലായി മുന്‍ ബ്രിട്ടീഷ് പ്രധാനമന്ത്രി ടോണി ബ്ലെയറെ നിയമിക്കുന്നതിനെ കുറിച്ചും ചര്‍ച്ചയാകും. അതേസമയം കൂടിക്കാഴ്ചക്ക് മുമ്പായി ബന്ദികളുടെ ബന്ധുക്കള്‍ ട്രംപിന് കത്തയച്ചു. 

ചര്‍ച്ച നടക്കാനിരിക്കെ ഗസ്സയിലെ ആക്രമണം ഇസ്‌റാഈല്‍ ശക്തമാക്കിയിട്ടുണ്ട്. ഗസ്സയില്‍ കഴിഞ്ഞ 24 മണിക്കൂറിനിടെ 50 പേരാണ് കൊല്ലപ്പെട്ടത്.

the israeli senate has approved a controversial bill allowing the execution of palestinian prisoners, marking a significant escalation in the region's legal and political landscape. the decision has sparked widespread debate and criticism, with human rights groups raising concerns over its implications. concurrently, prime minister benjamin netanyahu is set to hold a critical meeting with former u.s. president donald trump today.