ഉപയോക്താക്കള്‍ക്ക് സൗകര്യപ്രദമായ ഫീച്ചര്‍ അവതരിപ്പിക്കുന്ന തിരക്കിലാണ് ഇന്‍സ്റ്റന്റ് മെസേജിങ് ആപ്പായ വാട്‌സ്ആപ്പ്. ഇനി മറ്റ് ഭാഷകള്‍ വശമില്ലെങ്കിലും ഈസിയായി നിങ്ങള്‍ക്ക് ആരോട് വേണമെങ്കിലും വാട്‌സ്ആപ്പില്‍ ചാറ്റ് ചെയ്യാം. അത്തരത്തിലുള്ള ഫീച്ചറാണ് വാട്‌സ്ആപ്പ് അവതരിപ്പിക്കുന്നത്. ട്രാന്‍സ്‌ലേഷന്‍ ഫീച്ചറുമായാണ് വാട്‌സ്ആപ്പ് എത്തിയിരിക്കുന്നത്.

പുതിയ ഫീച്ചര്‍ അപ്‌ഡേറ്റാകുന്നതോടെ മറ്റ് ട്രാന്‍സ്ലേഷന്‍ ആപ്പുകളെ നമുക്ക് ആശ്രയിക്കേണ്ടിവരില്ല.വാട്‌സ്ആപ്പില്‍ തന്നെ അതിനുള്ള ഓപ്ഷന്‍ ലഭ്യമാകും. ഏതു മെസേജാണോ ട്രാന്‍സ്‌ലേറ്റ് ചെയ്യേണ്ട് ആ മെസേജിന് മുകളില്‍ ഹോള്‍ഡ് ചെയ്യുമ്പോള്‍ ഓപ്ഷനുകള്‍ കിട്ടും. ഏത് ഭാഷയിലേക്കാണോ ട്രാന്‍സലേറ്റ് ചെയ്യേണ്ടത് ആ ഓപ്ഷന്‍ തെരഞ്ഞെടുക്കാം.

നിലവില്‍ ഇംഗ്ലീഷ്, സ്പാനിഷ്, ഹിന്ദി, പോര്‍ച്ചുഗീസ്, റഷ്യന്‍, അറബിക് ഭാഷകളിലാണ് ഫീച്ചര്‍ ലഭ്യമാകുക. ഐഫോണ്‍ ഉപയോക്താക്കള്‍ക്ക് ഫ്രഞ്ച്, ജാപ്പനീസ്, മന്ദാരിന്‍, ടര്‍ക്കിഷ്, കൊറിയന്‍ എന്നിവയുള്‍പ്പെടെ 19ലധികം ഭാഷകളില്‍ അപ്‌ഡേഷന്‍ ലഭിക്കും. എന്നാല്‍ ഈ അപ്‌ഡേഷന്‍ എപ്പോള്‍ ലഭ്യമാകുമെന്ന് വാട്‌സ്ആപ്പ് വ്യക്തമാക്കിയിട്ടില്ല.