കാസര്‍കോട്: പി.എം ശ്രീയില്‍ എസ്.എഫ്ഐക്കെതിരെ ആഞ്ഞടിച്ച് എ.ഐ.വൈ.എഫ്. രൂക്ഷമായി വിമര്‍ശിക്കുന്നതിനിടെ ശക്തമായ പരിഹാസവും എ.ഐ.വൈ.എഫ് കാസര്‍കോട് ജില്ലാ സെക്രട്ടറി എം.ശ്രീജിത്ത് എസ്.എഫ്.ഐക്കെതിരെ തൊടുത്തുവിട്ടു. 

'എസ്.എഫ്.ഐ മുണ്ടുടുത്ത് സമരത്തിനിറങ്ങരുത്, മുണ്ട് മടക്കി കുത്തേണ്ടി വന്നാല്‍ കാവി കളസം പൊതുജനം കാണും' എ.ഐ.വൈ.എഫ് കാസര്‍കോട് ജില്ലാ സെക്രട്ടറി എം.ശ്രീജിത്തിന്റെ പരിഹസിച്ചു. ജില്ലയില്‍ നടന്ന പ്രതിഷേധ പരിപാടിക്കിടെയായിരുന്നു പ്രതികരണം.

ALSO READ: കേരളത്തില്‍ ആര്‍.എസ്.എസ് നേതാക്കളെക്കുറിച്ച് പഠിപ്പിക്കില്ല; പി.എം ശ്രീ പദ്ധതിയില്‍ ഒപ്പിട്ടെങ്കിലും എപ്പോള്‍ വേണമെങ്കിലും പിന്‍മാറാം- വി ശിവന്‍കുട്ടി

'എ'പക്ഷ നിലപാടുകള്‍ക്കും നയങ്ങള്‍ക്കുമെതിരായിട്ടാണ് പി.ം ശ്രീയില്‍ ഒപ്പിട്ടത്. ശിവന്‍കുട്ടിയുടെ പാര്‍ട്ടി ജനറല്‍ സെക്രട്ടറി ഈ വിഷയത്തില്‍ നയം വ്യക്തമാക്കിയതാണ്. ജനറല്‍ സെക്രട്ടറിക്ക് ബോധ്യമായ പ്രശ്നം ശിവന്‍കുട്ടിക്ക് ബോധ്യമാവാത്തതെന്താണെന്നത് സംശയാസ്പദമാണ്. വിദ്യാഭ്യാസ രംഗത്ത് ആര്‍എസ്എസിന്റെ തിട്ടൂരം നടപ്പിലാക്കുന്ന നയം പ്രാബല്യത്തില്‍ കൊണ്ടുവരാനുള്ള ശ്രമത്തെ എ.ഐ.വൈ.എസും എ.ഐ.എസ്.എഫും എതിര്‍ക്കാനാണ് തീരുമാനിച്ചിട്ടുള്ളത്' ശ്രീജിത്ത് വ്യക്തമാക്കി.

ഫണ്ടാണ് വിഷയമെങ്കില്‍ സുപ്രിംകോടതിയെ സമീപിക്കുകയോ, ചര്‍ച്ചകള്‍ നടത്തുകയോ ചെയ്യാം. ഫണ്ടിന്റെ പേരുപറഞ്ഞ് കാലങ്ങളായി പടുത്തുയര്‍ത്തിയ കേരളത്തിന്റെ വിദ്യാഭ്യാസ നേട്ടങ്ങളെ തകര്‍ക്കാനുള്ള പരിശ്രമത്തെ ചെറുത്തു തോല്‍പിക്കണമെന്ന് തന്നെയാണ് പാര്‍ട്ടി തീരുമാനമെന്നും അദ്ദേഹം പറഞ്ഞു.

പദ്ധതിയില്‍ സര്‍ക്കാര്‍ ഒപ്പുവച്ചതിന് പിന്നാലെ എ.ഐ.എസ്.എഫും എ.ഐ.വൈ.എഫും അടക്കമുള്ള സംഘടനകള്‍ പ്രതിഷേധവുമായി രംഗത്തെത്തിയിരുന്നു. പി.എം ശ്രീയില്‍ ഭാഗമാകേണ്ടതില്ല എന്നായിരുന്നു സംഘടനകളുടെ നേരത്തേതന്നെയുള്ള നിലപാട്. 

the all india youth federation (aiyf) expressed its criticism of the pm shree scheme through satire, highlighting issues related to education reforms and government policies. the organization accused the central government of neglecting public education while promoting selective development initiatives.