സലാല: ഹൃദയാഘാതത്തെ തുടര്‍ന്ന് ഒമാനിലെ സുല്‍ത്താന്‍ ഖാബൂസ് ആശുപത്രിയില്‍ ചികിത്സയിലായിരുന്ന ഹരിപ്പാട് കുമാരപുരം സ്വദേശി ശ്രീനിലയത്തില്‍ ശ്രീകുമാര്‍ ഭാസ്‌കരന്‍ അന്തരിച്ചു. 64 വയസ്സായിരുന്നു. ഏകദേശം ഒരു മാസം മുമ്പാണ് ഹൃദയാഘാതത്തെ തുടര്‍ന്ന് ഹാഫയിലെ താമസസ്ഥലത്ത് അവശനിലയില്‍ ഇദ്ദേഹത്തെ കണ്ടെത്തിയത്. 

സാമൂഹിക പ്രവര്‍ത്തകനായ എ.കെ പവിത്രനും സുഹൃത്തുക്കളും ചേര്‍ന്നാണ് ഇദ്ദേഹത്തെ ആശുപത്രിയില്‍ എത്തിച്ചത്. നേരത്തേ ഹാഫയില്‍ കച്ചവട സ്ഥാപനങ്ങള്‍ നടത്തിയിരുന്നു. ഭാര്യയും മകനുമുണ്ട്. ബന്ധപ്പെട്ട നടപടി ക്രമങ്ങള്‍ പൂര്‍ത്തീകരിച്ച് മൃതദേഹം സലാലയില്‍ സംസ്‌കരിക്കുമെന്ന് എംബസി കോണ്‍സുലര്‍ അറിയിച്ചു.