കൊച്ചി: മുനമ്പം ഭൂനികുതി സ്വീകരിക്കാന്‍ ഹൈക്കോടതിയുടെ അനുമതി. താല്‍ക്കാലിക അടിസ്ഥാനത്തില്‍ സ്വീകരിക്കാനാണ് അനുമതി.അന്തിമ വിധി വരുംവരെ താല്‍ക്കാലികാടിസ്ഥാനത്തില്‍ കരം സ്വീകരിക്കാന്‍ റവന്യൂ വകുപ്പിനോട് കോടതി നിര്‍ദ്ദേശിച്ചു. 

 ഭൂനികുതി സ്വീകരിക്കാന്‍ റവന്യു അധികൃതര്‍ക്കു നിര്‍ദേശം നല്‍കണമെന്ന് ആവശ്യപ്പെട്ട് ഭൂസംരക്ഷണ സമിതിയുടെ ഉള്‍പ്പെടെയുള്ള ഹരജികളാണ് കോടതിയുടെ മുന്‍പാകെയുള്ളത്‌.

മുനമ്പം വഖഫ് ഭൂമിയല്ലെന്ന് ഹൈക്കോടതി ഡിവിഷന്‍ ബെഞ്ച് നേരത്തെ ഉത്തരവിട്ടിരുന്നു. പിന്നാലെ ഭൂസംരക്ഷണ സമിതി ഉള്‍പ്പെടെ നല്‍കിയ ഹരജികള്‍ നേരത്തെ പരിഗണിക്കണമെന്ന് സര്‍ക്കാര്‍ ആവശ്യപ്പെട്ടിരുന്നു. തുടര്‍ന്നാണ് ജസ്റ്റിസ് സി.ജയചന്ദ്രന്‍ ഇന്ന് ഇക്കാര്യത്തില്‍ ഇടക്കാല നിര്‍ദ്ദേശം നല്‍കിയത്.