ന്യൂഡല്‍ഹി: പൗരത്വ പ്രക്ഷോഭകരെ ലക്ഷ്യംവച്ച് ഡല്‍ഹിയില്‍ ഹിന്ദുത്വവാദികള്‍ നടത്തിയ വംശീയകലാപവുമായി ബന്ധപ്പെടുത്തി ഗൂഢാലോചനാ കുറ്റംചുമത്തി അറസ്റ്റ് ചെയ്ത വിദ്യാര്‍ഥി നേതാവും ആക്ടിവിസ്റ്റുമായ ഉമര്‍ ഖാലിദിന് ഇടക്കാല ജാമ്യം. സഹോദരിയുടെ വിവാഹത്തിൽ പങ്കെടുക്കാനാണ്  14 ദിവസത്തേക്ക് ഇടക്കാല ജാമ്യം അനുവദിച്ചത്. സഹോദരിയുടെ വിവാഹത്തില്‍ പങ്കെടുക്കാന്‍ അനുവദിക്കണമെന്നാവശ്യപ്പെട്ട് അദ്ദേഹം നല്‍കിയ അപേക്ഷ പരിഗണിച്ച് ഡല്‍ഹി കര്‍ക്കര്‍ദൂമ കോടതി ജഡ്ജി സമീര്‍ ബാജ്പായ് ആണ് ജാമ്യം നല്‍കിയത്. ഡിസംബര്‍ 16 മുതല്‍ 29 വരെയാണ് ജാമ്യം അനുവദിച്ചത്.

നേരത്തെ, സുപ്രിംകോടതിയിൽ ഉമർ ഖാലിദിന്റെ ജാമ്യത്തെ ഡൽഹി പൊലീസ് എതിർത്തിരുന്നു. എന്നാൽ തങ്ങൾ നിരപരാധികളാണെന്നും ജാമ്യം അനുവദിക്കണമെന്നും ഉമർ ഖാലിദ് ഉൾപ്പെടെയുള്ളവർ വാദിച്ചിരുന്നു.