കൊച്ചി: തൃക്കാക്കരയിൽ പൊലിസ് ഉദ്യോഗസ്ഥൻ യുവാവിനെ റോഡിലിട്ട് ക്രൂരമായി മർദിച്ചതായി പരാതി. തൃക്കാക്കര സ്റ്റേഷനിലെ സിവിൽ പൊലിസ് ഓഫീസർ (സി.പി.ഒ) നിർമൽകുമാറിനെതിരെയാണ് മർദനമേറ്റ മുളന്തുരുത്തി സ്വദേശി ജോയൽ പരാതി നൽകിയത്. വാഹനാപകടത്തെത്തുടർന്നുണ്ടായ തർക്കമാണ് മർദനത്തിൽ കലാശിച്ചത്. സംഭവസമയത്ത് സി.പി.ഒ നിർമൽകുമാർ മദ്യപിച്ചിരുന്നതായി നാട്ടുകാർ ആരോപിച്ചു.

ജോയലും സി.പി.ഒയും സഞ്ചരിച്ചിരുന്ന വാഹനങ്ങൾ തമ്മിൽ കൂട്ടിയിടിച്ച് മറിഞ്ഞതിന് പിന്നാലെയാണ് സംഘർഷമുണ്ടായത്. പ്രകോപിതനായ പൊലിസ് ഉദ്യോഗസ്ഥൻ യുവാവിനെ പരസ്യമായി മർദിക്കുകയായിരുന്നുവെന്ന് ദൃക്‌സാക്ഷികൾ പറഞ്ഞു. നാട്ടുകാർ ഇടപെട്ടാണ് രംഗം ശാന്തമാക്കിയത്. പരുക്കേറ്റ ജോയലിനെ തൃക്കാക്കര മുനിസിപ്പൽ സഹകരണാശുപത്രിയിൽ പ്രവേശിപ്പിച്ചു. സംഭവത്തിൽ പൊലിസിനെതിരെ വ്യാപക പ്രതിഷേധമാണ് ഉയരുന്നത്.

A police officer in Kochi has come under fire for allegedly assaulting a young man. According to reports, the Civil Police Officer (CPO) physically attacked the youth, leading to a tense situation. Witnesses and local residents who intervened claimed that the officer appeared to be intoxicated at the time of the incident. The locals blocked the officer and demanded action, highlighting concerns over police misconduct and public safety.