റിയാദ്: സഊദി സാംസ്കാരിക മന്ത്രി പ്രിൻസ് ബദർ ബിൻ അബ്ദുള്ള ബിൻ ഫർഹാൻ സിറിയൻ സാംസ്കാരിക മന്ത്രി മുഹമ്മദ് യാസിൻ സലേയുമായി ഡമാസ്കസിലിൽ കൂടിക്കാഴ്ച നടത്തി. ഇരുരാജ്യങ്ങളും തമ്മിലുള്ള സാംസ്കാരിക ബന്ധത്തിന്റെ ആഴത്തെക്കുറിച്ചും കൂടുതൽ വികസിപ്പിക്കേണ്ടതിന്റെ പ്രാധാന്യത്തെക്കുറിച്ചും കൂടിക്കാഴ്ചയിൽ ചർച്ചയായി. ഡമാസ്കസിലിൽ വർഷംതോറും സംഘടിപ്പിക്കപ്പെടുന്ന പ്രധാനപ്പെട്ട സാംസ്കാരിക പരിപാടിയായ 2026ലെ ഡമാസ്കസ് അന്താരാഷ്ട്ര പുസ്തകമേളയിൽ സഊദി അറേബ്യയാണ് വിശിഷ്ട അതിഥി.

ALSO READ: സഊദി ഗ്രീൻ ഇനിഷ്യേറ്റീവ്; വംശനാശഭീഷണി നേരിടുന്ന 140 മൃഗങ്ങളെകൂടി സ്വതന്ത്രമാക്കി, പുനഃരധിവസിപ്പിച്ച മൃഗങ്ങളുടെ എണ്ണം 10,000 കവിഞ്ഞു

പുസ്തകമേളയിൽ പങ്കെടുക്കാനായി സിറിയയിലെത്തിയ പ്രിൻസ് ബദർ, മേളയുടെ വിജയത്തിൽ സിറിയൻ സർക്കാരിനെയും ജനങ്ങളെയും സർക്കാരിന്റെ നേട്ടങ്ങളെയും അഭിനന്ദിച്ചു. സാംസ്കാരിക രംഗത്തെ നിലപാടുകൾ ഏകോപിപ്പിക്കാനും സഹകരണം വർദ്ധിപ്പിക്കാനും ഇരു രാജ്യങ്ങളും തീരുമാനമെടുത്തു. സിറിയൻ ജനതയ്ക്ക് അഭിവൃദ്ധിയും പുരോഗതിയും വിജയവും ആശംസിച്ചുകൊണ്ടാണ് സഊദി മന്ത്രി തന്റെ സന്ദർശനം പൂർത്തിയാക്കിയത്.

Saudi Culture Minister Prince Bader bin Abdullah meets Syrian counterpart in Damascus, highlighting Saudi Arabia's role as the Guest of Honor at the Damascus International Book Fair 2026 and strengthening bilateral cultural ties.