പാലക്കാട്: എസ്‌ഐആറില്‍ (Summary Intermediate Revision) പ്രവാസി വോട്ടര്‍മാരുടെ അപേക്ഷകളില്‍ സൂക്ഷ്മ പരിശോധന കര്‍ശനമാക്കുന്നു. പാസ്‌പോര്‍ട്ടിലെ വിലാസം തന്നെ അപേക്ഷയില്‍ നല്‍കണമെന്ന കര്‍ശന വ്യവസ്ഥയും സാങ്കേതിക തടസ്സങ്ങളും പ്രവാസികളെ വലിയ പ്രതിസന്ധിയിലാക്കുകയാണ്.

ഫോം 6A പ്രകാരം ലഭിക്കുന്ന അപേക്ഷകള്‍ ആധികാരികത ഉറപ്പാക്കാന്‍ പാസ്‌പോര്‍ട്ട് സേവാ കേന്ദ്രങ്ങളിലേക്ക് അയക്കും. അവിടെ നിന്നുള്ള സമഗ്രമായ റിപോര്‍ട്ട് ലഭിച്ചാല്‍ മാത്രമേ ഇലക്ടറല്‍ രജിസ്‌ട്രേഷന്‍ ഓഫിസര്‍മാര്‍ (ERO) തുടര്‍നടപടികള്‍ സ്വീകരിക്കുകയുള്ളൂ.

പാസ്‌പോര്‍ട്ടിലെ വിലാസവും നിലവിലെ താമസസ്ഥലത്തെ വിലാസവും തമ്മില്‍ മാറ്റമുണ്ടെങ്കില്‍ അപേക്ഷ നല്‍കാന്‍ കഴിയില്ലെന്ന വ്യവസ്ഥ പ്രവാസികള്‍ക്ക് തിരിച്ചടിയാവുകയാണ്. ഓണ്‍ലൈന്‍ അപേക്ഷാ വേളയില്‍ വോട്ടര്‍ ഏത് ബൂത്തിന്റെ പരിധിയിലാണ് വരുന്നതെന്ന് കണ്ടെത്താനുള്ള സംവിധാനം തിരഞ്ഞെടുപ്പ് കമ്മീഷന്റെ വെബ്‌സൈറ്റില്‍ ലഭ്യമല്ല.

ALSO READ: ഫരീദാബാദില്‍ ആകാശ ഊഞ്ഞാല്‍ തകര്‍ന്നു വീണു: രക്ഷാപ്രവര്‍ത്തനത്തിനിടെ പൊലിസ് ഇന്‍സ്‌പെക്ടര്‍ക്ക് ദാരുണാന്ത്യം

ഇത് കാരണം അപേക്ഷകരുടെ ബന്ധുക്കള്‍ നേരിട്ട് ഓഫിസുകളില്‍ എത്തി ബൂത്ത് വിവരങ്ങള്‍ നല്‍കേണ്ടി വരുന്ന അവസ്ഥയാണ്. വിദേശത്തിരുന്നു വോട്ട് ചേര്‍ക്കാന്‍ ശ്രമിക്കുന്ന പലര്‍ക്കും ഈ സാങ്കേതിക നൂലാമാലകള്‍ കാരണം നടപടികള്‍ പൂര്‍ത്തിയാക്കാന്‍ സാധിക്കുന്നില്ലെന്ന ആശങ്ക ശക്തമാണ്.

NRIs applying for voter registration (Form 6A) face delays due to mandatory Passport Seva Kendra verification and a strict rule requiring their current address to match the one on their passport.